POP 5

Lajmet më të lexuara të 5 minutave të fundit

Kronikë

I dënuar për korrupsion, KPA përjashton për 15 vite nga sistemi i drejtësisë, ish-gjyqtarin Petraq Dhimitrin

Ish-gjyqtari i Apelit të Durrësit do të qëndrojë jashtë sistemit të drejtësisë për 15 vite. Kolegji i Posaçëm i Apelimit ka lënë në fuqi vendimin e KPK për përjashtimin e tij për shkak të korrupsionit.

I dënuar për korrupsion, KPA përjashton për 15 vite nga sistemi i drejtësisë, ish-gjyqtarin Petraq Dhimitrin

Petraq Dhimitri

Ish-gjyqtari i Apelit të Durrësit do të qëndrojë jashtë sistemit të drejtësisë për 15 vite. Kolegji i Posaçëm i Apelimit ka lënë në fuqi vendimin e KPK për përjashtimin e tij për shkak të korrupsionit.

Madje Gjykata e Posaçme e Apelit e dënoi Petraq Dhimitrin me tre vite burg për korrupsion, por ish-gjyqtari përfitoi ulje me 1/3 e dënimit pasi kishte kërkuar gjykim të shkurtuar. 

Fillimisht Komisioni i Pavarur i Kualifikimit nisi procesin e verifikimit për Dhimitrin në nëntor të vitit 2019 dhe në 6 korrik të 2020 e përjashtoi atë nga sistemi i drejtësisë për 15 vite.

Petraq Dhimitri së bashku me Kliton Spahiun dhe Petrit Çenon janë dënuar për korrupsion për një udhëtim të tetorit 2014 drejt Spanjës, për të parë ndeshjen e futbollit midis Real Madridit dhe Barcelonës me shpenzimet e një biznesmeni shqiptar, Namik Sadikut, për të marrë një vendim gjyqësor në favor të tij.

Edhe ky i fundit i dënuar me 1 vit burg. Por para udhëtimit që i vuri pas hekurave, një tjetër udhëtim, edhe më i dyshimtë, ishte bërë nga dy prej gjyqtarëve (Spahiu dhe Dhimitri), më 2 tetor të 2014-ës, 22 ditë para udhëtimit për Madrid.

Dy gjyqtarët Klinton Spahiu, Petraq Dhimitri dhe biznesmeni Namik Sadiku, kanë udhëtuar nën shoqërinë e Artan Shqypit drejt Italisë, ku kanë qëndruar për tre ditë në shtëpinë e Ferdinando Mullos, një prej anëtarëve të rëndësishëm të organizatës mafioze “Camorra”,  i dënuar me 12 vjet e 6 muaj burgim për akuzën e vrasjes së ortakut të tij në një biznes në Itali, Salvatore Ridosso.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ola: 24/11/2020 13:04

    1 pyetje kam; kur shkarkohesh nga keta 40 vjeç ( ndonje fakir ose qwe e ka bere m...mullar se tjeter kush jo) 15 vjet perjashtim nga drejtesia, 55 vjec ai duhet te kthehet me te drejta te plota ?! O REFORME PLERE, O REFORME QE ME 500 MIJE EURO TE KALON ....NE KPK DHE 1 MIL EURO .....E BLV NE KPA !!! TURP DHE MJERE KY POPUL !!!

    Përgjigju
  • None: 23/11/2020 22:42

    Shoku i Lul Bashes..... shikoni ne te kaluaren, kush ishte nje nga gjyqtaret qe i dha mandatin Lulit per dhjete vota....

    Përgjigju
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01