Dumani e Kraja hetojnë Metën dhe Berishën/ I dërguari i Blinken shkon në SPAK, sheh malin e dosjeve dhe garanton: SHBA-të do të vazhdojnë t'ju mbështesin

Dumani e Kraja hetojnë Metën dhe Berishën/ I dërguari i Blinken shkon në SPAK, sheh malin e dosjeve dhe garanton: SHBA-të do të vazhdojnë t'ju mbështesin

1718901509_arbenkraja.jpg

Foto: Richard Nephew, takon Arben Krajen

Koordinatori për Anti-Korrupsionin Global Richard Nephew ishte sot në godinën e SPAK për të parë nga afër në veprim institucionet gjyqësore shqiptare, mes tyre dhe atë të Prokurorisë së Posaçme. 

Nga fotot e publikuara në faqen e facebook të ambasadës amerikane kreu i SPAK i ka treguar malin e dosjeve nëprë zyrat e SPAK dhe ai nuk e ka fshehur habinë.

Gjithashtu Nepheë është takuar dhe me Arben Krajën, ish kreun e SPAK i cili ka në dorë dhe dosjen për aferën e privatizimit të ish kompleksit Partizani, për të cilën ish kryeministri Sali Berisha dhe dhëndri i tij, Jamarbër Malltezi po hetohen për akuzën e korrupsionit. Ndërkohë Altin Dumani ka në dorë dosjen ndaj Ilir Metës lidhur me aferën Ces Dia.

Fotot u shoqëruan dhe me një përshkrim nga ku u mësua se mes tyre janë diskutuan përpjekjet e vazhdueshme për forcimin e pavarësisë së gjyqësorit dhe luftën kundër korrupsionit. Vetë nga ana e tij Nepheë përsëriti mbështetjen që Shtetet e Bashkuara do të vazhdojnë të japin në institucionet e drejtësisë që po forcojnë demokracinë e Shqipërisë teksa ajo përparon në rrugën e saj drejt BE-së.

"Koordinatori për Anti-Korrupsionin Global Richard Nephew pa sot në veprim institucionet gjyqësore shqiptare gjatë takimeve me kreun e SPAK, Altin Dumani, prokurorët e SPAK, si dhe përfaqësues të Ministrisë Anti-Korrupsion, Inspektoratit të Lartë të Deklarimit dhe Kontrollit të Pasurive dhe Konfliktit të Interesit (ILDKPKI) dhe Agjencisë së Prokurimit Publik. Nepheë dhe zyrtarët shqiptarë diskutuan përpjekjet e vazhdueshme për forcimin e pavarësisë së gjyqësorit dhe luftën kundër korrupsionit. Shtetet e Bashkuara do të vazhdojnë të mbështesin institucionet e drejtësisë që po forcojnë demokracinë e Shqipërisë teksa ajo përparon në rrugën e saj drejt BE-së" shkruhet ne postimin e ambasades amerikane.

Foto: Richard Nephew në SPAK, 20 qershor 2024 


Lajmi kryesor:

Zyrtari i DASH kundër korrupsionit në Tiranë takon Dumanin e prokurorët e SPAK, sheh malin me dosje! Nephew: Fund pandëshkueshmërisë


S.G/Shqiptarja.com
  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Temperaturat e larta, mjekët: Shmangni daljen jashtë, vishni lehtë fëmijët! Kujdes me ajrin e kondicionuar

Temperaturat e larta, mjekët: Shmangni daljen jashtë, vishni lehtë fëmijët! Kujdes me ajrin e kondicionuar