I dërguari special i SHBA, për rajonin e Ballkanit, Gabriel Escobar, tha sot se do të ketë pasoja nëse PD zgjedh në krye dikë që është i shpallur 'non grata' nga SHBA. Për ish-kryeministri Berisha Escobar u shpreh se nuk takohet me të pasi ai është i shpallur 'non grata', ndërsa pyetjes se përse ai u fut në listën e zezë nga DASH, deklaroi se nëse keni pikëpyetje, nisni hetimet.
“Ku janë prokurorët, hetuesit dhe autoritetet në vendin tuaj? Ne e bëjmë sipas ligjeve tona, por dhe ju keni disa në vendin tuaj. Nëse doni ta dini, hetoni. Nuk takohemi me të, do të ketë pasojë nëse PD zgjedh dikë të shpallur 'non grata'.”-tha Escobar, në një intervistë për gazetarin Sokol Balla.
Ndërkohë që ambasada amerikane e ka quajtur tubim politik Kuvendin e nesërm të Sali Berishës, dhe përmes një njoftimi ka paralajmëruar të gjithë qytetarët e SHBA-ve që të kenë kujdës. Ambasada thotë se në të tilla aktivitete shpesh situatat mund të ndryshojnë shpejt dhe në mënyrë të paparashikueshme.
Vizita e Escobar në Tiranë, ishte vetëm dy ditë para Kuvendit të thirrur nga Sali Berisha, i cili është i shpallur ‘non grata’ nga SHBA për korrupsion dhe minim të demokracisë. Vetëm dy ditë më parë, ambasada e SHBA-së, tha se vizita e tij është për të konfirmuar gjithashtu vendosmërinë e Shteteve të Bashkuara për të luftuar korrupsionin, pandëshkueshmërinë dhe përpjekjet për të minuar demokracinë në Ballkanin Perëndimor.
I dërguari special i SHBA për rajonin e Ballkanit, Escobar, ka takuar dje kreun e PD, Lulzim Basha, ministren e Jashtme Olta Xhaçka dhe në fund kryeministrin Edi Rama, ndërsa nuk pati në agjendë një takim të planifikuar me Presidentin Ilir Meta. Kjo vizitë e Escobar në Tiranë është një tjetër 'grusht' i madh amerikan në fytyrën e ish-kryeministrit Sali Berisha, për përpjekjet e tij për të rimarrë PD-në.
Situata në PD është mjaft e ndarë, me dy Kuvende Kombëtare, një i thirrur më 11 dhjetor nga Sali Berisha dhe një tjetër më 18 dhjetor i thirrur nga kreu i PD, Lulzim Basha. Pak ditë më parë, Basha tha se kushdo që shkel vendimin e Kryesisë së Partisë, përfshirë këtu edhe Sali Berishën, fatin e ka të caktuar nga Statuti i Partisë. Me këtë ai ka nënkuptuar se kushdo që paraqitet në Kuvendin e thirrur nga Sali Berisha do të këtë pasoja.
Mëngjesin e ditës së nesërme në stadiumin 'Air Albania' do të nisë Kuvendi i PD-së, i thirrur nga Sali Berisha. Ambasada amerikane përmes një njoftimi ka paralajmëruar të gjithë qytetarët e SHBA-ve që të kenë kujdës.
Ambasada thotë se në të tilla aktivitete shpesh situatat mund të ndryshojnë shpejt dhe në mënyrë të paparashikueshme.
"Një tubim politik është paralajmëruar të zhvillohet në orën 10:00 të datës 11 dhjetor në stadiumin 'Air Albania' në Tiranë. Ky tubim mund të migrojë në vende të tjera në Tiranë. Madhësia dhe kohëzgjatja e saktë e mbledhjes së pritshme nuk dihen. Qytetarët amerikanë këshillohen të shmangin çdo tubim të madh në qytet. Ndërsa shumë ngjarje të mëdha publike mund të zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale për informacionet më të fundit dhe ndiqni udhëzimet e autoriteteve lokale të zbatimit të ligjit.
Veprimet për të ndërmarrë: Shmangni tubimet e mëdha dhe çdo zonë ku demonstratat janë të pashmangshme ose në vazhdim; Jini të vetëdijshëm për rrethinën tuaj' Monitoroni mediat lokale për përditësime", thuhet në njoftimin e ambasadës.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03
Eskobari na kerkon llogari neve perse nuk punon Arben Kraja qe eshte miku i Tan Lepurit. Perse nuk punon SPAK? Ku e dime neve, juve i vendoset dhe tani keta prokurore qe marrin miliona dhe nuk kane bere asnje pune me perjashtim te denimeve qesharake si psh 1.6 vite burg per 25 milion euro, kerkojne mandat te perjetshem. Perse na pyet ne? Pyet veten o Escobar i amerikes, ju e bete reformen.
PërgjigjuJo Tan Lepuri (lepri) por Arjan Avllaj ( vellai i Tan Leprit, qe nuk flasin )
Doni me per belulin
PërgjigjuE ORE SALE..S'DO TE THEMI QE SKE BERE GABIME....POR PER TE TILLA GABIME FEUDALISTI AS QE E ÇAN FATE...VENDOSMERIA DHE BURERIA E JOTE I ÇIK I FUT NE SIKLET....FEUDALISTI PERPIQET TE TE FUS NE LOJE SI NJE QEN I DEGJUSHEM,TE TILLET I KE NE KRYESITE E RJEDHAVE POLITIKE....TE SHPRESOJME SE DO TE JA DALISH SI SHQIPETAR KOKELART.
PërgjigjuHahaha ça je tuj than or teeej???? Shpreso shpreso,do ja dali tamam si shqiptar koketul. Mos abuzo me alkolin Goliii !!!!
Sali Pleh Krimineli po kalon shume hunj por ai hu qe do ti ngulet aq thelle sa do ta qeroje perfundimisht nga faqja e dheut.
PërgjigjuJepi Sale mos ndalo trembi edhe njehere keto kamanistat qe jane ngulur ne kolltuqe e nuk u shqitet menderja. Edhe po te ndodhi gje nga Hamerika mos u tut, do te bejme nje lapidar si te tjeret. Jena shkri gazit gjithe keto dite njerzia: Po si ore i sfidove keto te DASH te tere me radhe, i ke tremb aq shume keto pllumat e Tirones sa ka ardh daku prej vashintoni me u be mur betoni? Paske qene flame fare. Po te jesh burr i squt nese propozo per krietar PD o Kimin or Pablon te dy zoterinj burra jane. Ndersa shoqen Lule mos e troshit se gjynaf,lere nen pateonazhin e teta Rames.
PërgjigjuO Salhe Berisha e ke mar me shum hov üor kujdes se kur vrapon shum mund dhe të thyesh dhe qafën. Amerika ska pyt për burra shum më madhështor se ty e jo më të meret me ty që je kriminel, hajdut, e psikopat. Po prit o Zoti salhe se ora po të vjen e do paguas të gjitha. Për shum nëna që ke veshur me të zeza, për shum Shqiptar që i ke lën në varfëri të skajshme. Falmnderit për mirkuptimin Profesor Doktor Rexhep Bule Leka.
PërgjigjuMos donte thishe Lal Plehu?????!!!!!