POP 5

Lajmet më të lexuara të 5 minutave të fundit

Kronikë

I dha vetes leje për katin e 13-të, Basha pyeti vajzën e tezes së gruas në Bashki a ishte në konflikt interesi (Dokumenti)

Lindita Dedëgjoni, vajza e tezes së Aurela Bashës, në pamundësi për të dhënë një përgjigje në favor të kushërirës dhe shefit të saj (Lulzim Basha), i drejtohet ILDKPKI për të interpretuar ligjin, të shkruajtur e zeza mbi të bardhë, nëse është apo jo kryetari i bashkisë në konflikt interesi për t’i dhënë vetes një leje ndërtimi. 

I dha vetes leje për katin e 13-të, Basha pyeti vajzën e tezes së gruas në Bashki a ishte në konflikt interesi (Dokumenti)

Lulzim Basha dhe planimetria e shtesës në katin e 13-të

Kryetari i Partisë Demokratike, Lulzim Basha u përpoq dje që të justifikohej për lejen e dhënë vetes për të ndërtuar një kat shtesë në pallatin ku banonte në kohën kur ishte në krye të Bashkisë së Tiranës, duke sjellë në vëmendje një kërkesë drejtuar Inspektoratit të Lartë të Deklarimit dhe Kontrollit të Pasurive dhe Konfliktit të Interesave.

Por, si erdhëm deri këtu? Për të pasur krahët e mbrojtur teksa i jepte vetes një leje ndërtimi, Lulzim Basha ka pyetur fillimisht vajzën e tezes së bashkëshortes së tij, Lindita Dedëgjoni, e cila asokohe ishte Autoriteti Përgjegjës për Parandalimin e Konfliktit të Interesave në Bashkinë e Tiranës e drejtuar nga Basha, nëse është apo jo në konflikt interesi.

Vajza e tezes, pra Dedëgjoni, në pamundësi për të dhënë një përgjigje në favor të kushërirës dhe shefit të saj, i drejtohet ILDKPKI për të interpretuar ligjin, të shkruajtur e zeza mbi të bardhë, nëse është apo jo kryetari i bashkisë në konflikt interesi për t’i dhënë vetes një leje ndërtimi. 

Inspektorati i Lartë i Deklarimit dhe Kontrollit të Pasurisë dhe Konfliktit të Interesave, i drejtohet Bashkisë së Tiranës (Lexo këtu), duke i cituar Kodin e Procedurave Administrative, se “Asnjë punonjës i organeve të administratës nuk mund të marrë pjesë në një proces vendimmarrës administrativ apo në lidhje kontrate ku administrata që ai përfaqëson është palë në rastet kur punonjësit ka ose dyshohet të ketë kushtet e mëposhtme":

a) Ka një interes personal direkt apo indirekt ne Çështjen në fjalë;
b) bashkëshorti apo bashkëjetuesi ose të afërmit e tij deri në shkallë të dytë kanë një interes direkt apo indirekt ne Çështjen ne fjale;

Përgjigjia që ILDKPKI i ka kthyer Lindita Dedgjonajt, Autoriteti Përgjegjës për Parandalimin e Konfliktit të Interesave në Bashki

Drejtoria e Planikimit të territorit në Bashkinë e Tiranës i kërkon Lindita Dedëgjonajt nëse ka apo konlifk interesi në dhënien e lejes për Bashën

Pra, sipas ligjit, Lulzim Basha ka qenë dy herë në konflikt interesi sepse ka pasur interesin personal direkt të tij dhe të bashkëshortes së tij. Për t’iu provuar edhe më thjesht situatën e konfliktit të hapur të interesit, ILDKPKI i ka ilustruar një shembull konkret, se PO, Lulzim Basha ndodhet në kushtet e konfliktit të hapur të interesit. Por, edhe me këtë shpjegim të qartë të institucionin përgjegjës për konfliktin e interesave, vajza e tezes dhe Lulzim Basha kanë vijuar me procedurat, duke i dhënë vetes një leje ndërtimi.

Gjithsesi, ka edhe një pyetje në gjithë këtë histori: A ka marrë ai miratimin e banorëve të tjerë të pallatit për të ngritur një kat shtesë, mbi tarracë, kur çdo banor është bashkëpronar i çdo pjese të përbashkët të ndërtesës? Apo edhe në këtë rast, ka pajisur me leje ndërtimi veten e tij, në kundërshtim me përcaktimet e Kodit Civil?

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ilir: 22/12/2018 17:44

    Ky eshte fare i pafytyre! Do dhe te vije ne pushtet legeni!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti ukrainas Zelensky: Kemi çdo shans për t'i dhënë fund luftës në 2025-ën

Presidenti ukrainas Zelensky: Kemi çdo shans për t'i dhënë fund luftës në 2025-ën

24 Nëntor, 08:24