POP 5

Lajmet më të lexuara të 5 minutave të fundit

Sport

I fituar 40 vite më parë, Elbasani rikujton titullin e parë në histori! Ish-futbollistët: Emocionues takimi mes brezave

Me rastin e 40-vjetorit të fitimit të titullit të parë në histori për Elbasanin në futboll është mbajtur sot në Elbasan Arena një ceremoni ku të pranishëm ishin futbollistë dhe drejtues të shumë dekadave.

Në ambientet e stadiumit ‘Elbasan Arena’ është përkujtuar sot titulli i parë i fituar nga klubi i futbollit 40 vite më parë, teksa pjesmarrës ishin ikona ndër vite të verdhebluve. Një organizim nga drejtuesit aktual të klubit, të cilët sezonin që lamë pas siguruan ngjitjen e Elbasanit në Superligë.

“Tani jam shumë i emocionuar sepse këtu ka një përzirje brezash, ndër vite, që kanë luajtur futboll dhe që i kanë dhënë qytetin tonë, ekipit, klubit një emër. Është një emocion kur sheh burra 80-85 vjeç dhe të rinj deri te më i vogli Kasa 21 vjeç,”-u shpreh Luan Deliu, ish-futbollist i Elbasanit.

“Emocionet janë pafund, pafund sepse këtu ka takim brezash. Nga më të moshuarit e deri tek më të rinjtë që janë sot,”-tha Dhimitër Gjika, ish-futbollist i Elbasanit.

“Kur ishim ne të rinj, fëmijë, e kishim ëndërr të vishnin fanellat e disa prej ish-lojtarëve që janë këtu me ne sot. Kjo është kënaqësia më e madhe,”-deklaroi Julian Ahmataj, ish-futbollist i Elbasanit.

Presidenti i AF Elbasanit, klubit të krijuar vetëm 3 vite më parë, premtoi se sezoni i ardhshëm do ketë objektiva madhorë për verdheblutë.

“Shpresoj që t’ju gëzojmë të gjithë në vitet e ardhshme, duke filluar që nga ky sezon, duke iu dhënë kënaqësinë me qenë kampion. Iu uroj të gjithëve jetë të gjatë dhe ta shijoni ekipin e futbollit AF Elbasani deri në fund,”-u shpreh Kujtim Llupa, president i AF Elbasanit.

KF Elbasani, klubi 109-vjeçar i shkrirë 2 vite më parë, kishte arritur dy herë të fitonte titullin kampion në Shqipëri, më 1984 dhe në 2006.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Dibrës, PS përmbys rezultatin merr 3 mandate deputetësh kundër 2-ve të PD-së

Sondazhi i Dibrës, PS përmbys rezultatin merr 3 mandate deputetësh kundër 2-ve të PD-së

25 Dhjetor, 21:51