POP 5

Lajmet më të lexuara të 5 minutave të fundit

Kronikë

I humbur prej dy ditësh, 14-vjeçari gjendet i mbytur në liqenin e Farkës, shoku nuk tregoi ngjarjen (VIDEO EKSKLUZIVE NË EMISIONIN 112)

Gjendet i mbytur në liqenin e Farkës në kryeqytet një djalë 14-vjeçar që ishte zhdukur dy ditë më parë. I mituri kishte dalë me shokun moshatar ndërsa ai nuk tregoi ngjarjen për dy ditë. Vetëm pas denoncimit të familjarëve shoku tregoi se 14-vjeçari ishte mbytur. Emisioni 112 i realizuar nga gazetari i Report TV Antonio Çakshiri sjell pamjet ekskluzive nga kërkimet e polumbarëve të RENEA-s përgjatë mbrëmjes së djeshme në liqenin e Farkës. Trupi i pajetë u gjet në mëngjesin e sotëm.

TIRANË - Një djalë 14-vjeçar i komunitetit rom është gjetur i mbytur mëngjesin e kësaj të shtune në Liqenin e Farkës. 

14-vjeçari ishte zhdukur prej paradites së të enjte ndërsa familjarët kishin bërë denoncim në polici. 

Kamerat e sigurisë të disa bizneseve pranë zonës ku banon e kanë filmuar teksa ka qenë me një shok moshatar. 

Vetëm mbrëmjen e djeshme shoku moshatar ka treguar se 14-vjeçari ishte mbytur në liqenin e Farkës ndërsa ai ishte trembur dhe nuk kishte treguar kur ndodhi ngjarja. 

Emisioni 112 i realizuar nga gazetari Report TV Antonio Çakshiri, ka qenë me patrullat e policisë prej mbrëmjes së djeshme kur edhe kanë nisur kërkimet për gjetjen e trupit të miturit nga polumbarët e RENEA-s. 

Pamjet ekskluzive janë të momenteve teksa polumbari I RENEA-s po kërkon në liqenin e Farkës për trupin e djalit ndërsa shoku moshatar tregon vendin ku e ka parë për herë të fundit. 
Ai tregon se u mundua ta ndihmonte por nuk ka mundur pasi nuk dinte not. 

Kërkimet kanë nisur nga ora 20:00 deri në 21:30 të së premtes por për shkak të errësirës nuk është bërë e mundur gjetja e trupit duke bërë që operacioni të shtyhej për mëngjesin e sotëm. 

Sot rreth orës 06:20 në momentet kur familjarët janë afruar pranë vendit ku 14-vjeçari ishte parë për herë të fundit kanë gjetur trupin duke pluskuar mbi ujë ndërsa në pak minuta kanë mbërritur edhe ekspertët e policisë. 

Hetimet për këtë ngjarje po vijojnë. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Zhupa: Vrasjen paramenduar të Ramës kundër Tik Tok për arsye elektorale nuk do ta lejojmë

Zhupa: Vrasjen paramenduar të Ramës kundër Tik Tok për arsye elektorale nuk do ta lejojmë

22 Dhjetor, 12:52