Nazmi Xhaferri, shoferi i ambulancës në spitalin e Gramshit sot ka humbur betejën me COVID.
Lajmin e hidhur e ka bërë me dije drejtoria e spitalit të Gramshit me anë të një postimi në “facebook”, ku shkruan se Xhaferri u bë heroi i parë në këtë spital, që ka humbur betejën me virusin, pasi u infektua në krye të detyrës.
"Me hidhërim të thellë njoftojmë humbjen e jetës së një prej punonjësve shembullorë të Spitalit Gramsh, Z. Nazmi Xhaferri, si pasojë e infektimit me virusin COVID-19 në krye të detyrës. I ndjeri u bë heroi i parë ( me shpresën edhe i fundit) i personelit të Spitalit Gramsh, të cilët me vetëmohim kane qe nga fillimi i kësaj lufte që janë gadishmëri çdo dite përballë kësaj pandemie.
![]()
Familjarët, kolegët dhe dashamirësit përcjellin sot një njeri me shumë vlera dhe kontribut në shoqerine tonë duke mos i harruar sakrificat, punën dhe mirësinë që ka percjellë midis tyre. Le të shërbejë kjo ndodhi si vepra e fundit e tij si punonjes i shëndetësisë duke iu drejtuar qytetarëve qe të tregojnë kujdesin e nevojshëm për të shmangur infektimin nga COVID-19 pasi pasojat janë të paimagjinueshme", shkruan drejtori i spitalit.
Lajmi kryesor:
COVID-19 në Shqipëri/ 1071 raste të reja dhe 19 viktima në 24 orët e fundit! Humb jetën shoferi i ambulancës në Gramsh
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)