I infektuar me COVID, ndërron jetë në spitalin e Durrësit mundësi Shkëlqim Troplini! S'mund të transportohej në Tiranë nga gjendja e rëndë

Mundësi Shkëlqim Troplini nuk është transportuar drejt Tiranës për shkak të gjendjes së tij shëndetësore shumë të rëndë. Kjo është deklarata që ka bërë sot, në një lidhje telefonike ekskluzive për Report TV, drejtoresha e Spitalit të Durrësit Nadire Jani.

Drejtoresha Jani sqaron se për shkak të saturimeve shumë të ulëta ishte e pamundur të transportohej me ambulancë drejt Tiranës

 “Shkëlqim Troplini ka mëngjesin e së dielës rreth orës 08:00 në spitalin rajonal të Durrësit me saturime (niveli i oksigjenit) 35, pra në kushte te papajtueshme për jetën.  Me ndihmën e parë, me oksigjen saturimet shkuan 60, por ishin të paqëndrueshme, zbritën në 50, atëherë u vendos të kalohej nga urgjenca në reanimacion. Janë bërë të gjitha ekzaminimet përfshirë dhe skanerin, konsulta me reanimator pneumolog dhe u vendos të intubohej.

Mëngjesin e sotëm ka ndërruar jetë. Në reanimacion ne kemi një dhomë të posaçme izolimi për të prekurit me covid-19. Për shkak të saturimeve shumë të ulëta ishte e pamundur të transportohej me ambulancë drejt Tiranës. Pacienti është mjekuar 4-5 në shtëpi nga mjeku i familjes dhe ka ardhur dje në gjendje të rënduar në spitalin e Durrësit. Gjatë kohës që ndiqej në shtëpi i është dhënë këshilla nga mjeku radiolog që të shtrohej në spital.  Më herët ka bërë ekzaminim radiologjik, ndërsa tamponi i është marrë dje në spital, përgjigja nga laboratori nuk ka ardhur për tamponin, por nga konsultat e tjera mendojmë se ka ndërruar jete nga covid-19. Pasi të vijë edhe përgjigja, do të vazhdohet me procedurat e tjera të nxjerrjes nga morgu, ku edhe vendoset për terheqjen e trupit, etj", tha ajo.

E pyetur nëse ka të tjerë të shtruar në spitalin e Durrësit, të dyshuar me covid, drejtoresha Jani u përgjigj:

“Po kemi të dyshuar në urgjencë por jo të shtruar? Ata që konfirmohen pozitiv dhe janë në gjendje të mirë dërgohen në shtëpi dhe ndiqen nga mjeku i familjes. Ata që janë në gjendje të rënduar transportohen në spitalet covid në Tiranë”.

Spitali i Durrësit ka reaguar lidhur me vdekjen e mundësit Shkëlqim Troplini, i cili ishte infektuar me Covid.

Në reagim thuhet se Troplinit i është bërë terapia në urgjencën e spitalit, por s'mund të transportohej në gjendjen që ishte në një spital Covid.

"Pacienti eshte paraqit ne urgjencen e spitalit te Durresit me date 8 Nentor  ne gjendje shume te rende me saturime te oksigjenit 35%.

Ju be terapia ne urgjencen e spitalit me konsulte te pneumologut, reanimatorit dhe u konkludua qe eshte i patransportueshm te tille gjendje ne nje spital Covid", është ky  reagimi i spitalit të Durrësit.