I nxirë dhe me plagë në fytyrë, Medi Iseni publikon video për herë të parë pas sherrit me Noizy-n

TikTok-eri Muhamet Iseni ose i njohur si Medi ka publikuar një video për herë të parë pas sherrit të bujshëm me Noizy-n në Pejë. Ai shihet me plagë në fytyrë, ndërsa sytë i ka të nxirë nga goditjet.

Medi Iseni deklaroi detaje të reja, për sa i përket skemës së ngjarjes, duke pretenduar se makina e tij është larguar me qindra metra larg club-it ku ka shkuar.

“Si Sali Lushaj, si Rigels Rajku, si Arkumed Lushaj, më keni prerë në besë. 12 vetë më kanë goditur. Kam mundur të jem i vdekur aty, unë edhe kunati. Tek clubi në Pejë sigurimi ma ka mbyllur derën për të hyrë brenda, çdo gjë ka qenë e planifikuar, Rigelsi as lekët e koncertit nuk i ka marrë sepse ka dalë direkt.

LEXO EDHE:
Protesta për të liruar Noizyn? Familja dhe menaxheri distancohen: Falenderojmë fansat, por ne po ndjekim vetëm rrugën ligjore

Paratë e koncertit ia ka falur sigurimit, për të më bllokuar mua dyert. Makina ime nuk është lënë para derës por e kanë dërguar 500 metra më larg. Nuk më thirrën as ambulancën për ndihmë, as policinë. Burrëria nuk i ka këto gjëra.

Mirë po thoni që ju kam sharë, paskam gabuar, por nuk prehet njeriu në besë ashtu o shok. Je aq burrë, që thua se je aq burrë, për një të sharë dil kap por në mënyrë burrërore. Rigels Rajku ka qenë 30 herë në Zvicër, por pse nuk më doli atje për të ma bërë pritën”, deklaroi ai.

 Rigels Rajku ose ndryshe Noizy akuzohet se së bashku me 7 persona të tjerë, dhunoi brutalisht Muhamet Isenin, i njohur në “TikTok” si Medi, bashkë me mikun e tij Bekim Hardergjonajn brenda një klubi nate në Pejë në orët e para të mëngjesit të 2 Gushtit.

Artisti u arrestua së bashku me mikun e tij Bahtjar Bajraktari i njohur si DJ Crax në zonën e Kunës në Shëngjin nga njësia FAST Albania.  

Xh.K/A.M/Shqiptarja.com

TAG:
• Noizy
• Rigels Rajku
• Muhamet Iseni