'I paguajmë taksat si në kohë paqe, jo lufte', biznesi i vogël: Protesta nëse qeveria nuk na ndihmon

Kryetari i shoqatës së biznesit të vogël, Albert Nasto tha në emisioni "Pa Protokoll" në Report Tv se nëse qeveria nuk ndihmon biznesin e vogël me grante, lehtësime fiskale, heqje taksash apo ndihma në çdo mënyrë, atëherë 80 % e bizneseve do të falimentojnë sapo të hapin qepenin. Nasto parashikoi edhe protesta nëse qeveria nuk ndihmon biznesin. Kreu i shoqatës së biznesit të vogël tha se gjatë pandemisë mbyllën qepenat 90 mijë biznese dhe se aktualisht janë të hapura rreth 15 mijë.

"90 mijë biznese kanë mbyllur qepenat pas 55 ditësh dhe tani janë të hapura rreth 15 mijë biznese. Bizneset kryesore që kanë fuqi të madhe punëtore janë të mbyllura. Këto punësojnë 250-260 mijë qytetar. Paketa financiare nuk është një ndihmë për bizneset, por është një ndihmë sociale për qytetarët. Taksat nuk janë hequr, por janë shtyrë fare pak me ndonjë pikë. Në kohë lufte taksat nuk do na merreshin, prandaj ne si shoqatë ne nuk e quajmë kohë lufte. Ne vijomë të paguajmë taksat si në kohë paqe. Nëse biznesi nuk ndihmohen me grante të ndryshme, me lehtësime fiskale shumë biznese mbyllen përfundimisht. Ca është bërë deri tani nuk mjafton. 80 % e bizneseve të vogla do të falimentojnë sapo të hapen. Biznesi duhet ndihmuar urgjent në forma të ndryshme. Do të bëjnë protesta të papara nëse nuk na ndihmon qeveria", tha Nasto.

LEXO EDHE:
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime

TAG:
• biznesi i vogel
• Albert Nasto
• Koronavirus
• koronavirusi ne shqiperi

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1492

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq