Pas ngjarjes së rëndë ku një 44 vjeçar nga Erseka kishte abuzuar seksualisht me një 18 vjeçarë me të meta mendore, flet e ëma e djalit e cila një ditë më parë bëri edhe denoncimin në policinë e Korçës. E tronditur dhe e përlotur Rajmonda Koçoni, thotë se 44 vjeçari Ilir Veizi e bënte një gjë të tillë prej tre vitesh por kishin nguruar ta denonconin për shkak të mentalitetit të vendit ku ata jetojnë.
 
Sipas saj 44-vjeçari e ka bërë një gjë të tillë edhe me të mitur të tjerë.

“Ai abuzonte me djalin tim prej tre vitesh. E denoncova pasi nuk duroja dot më. Kërkoj që drejtësia të vihet në vend pasi është ngjarje shumë e rëndë. Si pasoje e abuzimeve seksuale djali pësoi edhe shok psikologjik," thotë Rajmonda Koçoni.

Aktualisht 44-vjeçari Ilir Veizi është arrestuar nga policia e Korçës dhe ndodhet në paraburgim. Nga burimet e policisë mësohet si ai e ka pranuar që ka abuzuar seksualisht me 18 vjeçarin.

Redaksia Online
(u.s/shqiptarja.com)