POP 5

Lajmet më të lexuara të 5 minutave të fundit

Sport

I shënuan 4 gola serbëve të Crvenas, Inzaghi: Paraqitje e shkëlqyer, sidomos nga Taremi

Interi ia doli të merrte fitoren e parë në Champions League për sezonin e ri.

I shënuan 4 gola serbëve të Crvenas, Inzaghi: Paraqitje e shkëlqyer, sidomos nga Taremi

Simone Inzaghi

Interi ia doli të merrte fitoren e parë në Champions League për sezonin e ri. Në "Meazza" kampionët në fuqi të Italisë mposhtën 4-0 Crvena zvezdan dhe Taremi shkëlqeu me dy asiste dhe një gol. Pas ndeshjes trajneri Simone Inzaghi vlerësoi djemtë që drejton për këtë sukses.

"Taremi e prishi “agjërimin” e golit dhe ishte më i miri në fushë. Pothuajse një startues i përsëritur?

Lajm i shkëlqyeshëm nga ai, por jo vetëm nga ai. Unë futa në fushë djem që kishin luajtur më pak, por nuk kisha asnjë dyshim për ta. Arnautovic ishte gjithashtu i mirë, ashtu si edhe lojtarët që hynë gjatë lojës.

Marotta kujtoi se Interi është palë e dëmtuar në këtë aferë (të ultrasve), ndaj po e izolon skuadrën në nivel psikologjik…

Presidenti Marotta foli për këtë para ndeshjes, ne bëmë një paraqitje të shkëlqyer. Skuadra u paraqit mirë në fushë, e dinim që do të gjenim një kundërshtar që do të mbrohej me shumë forca. Bëmë mirë që qëndruam të qetë, sepse kur mbërriti goli i dytë gjithçka ishte më e thjeshtë.

Të gjithë sulmuesit në fushë shënuan. Gola të shumtë e të dobishëm për golaverazhin pozitiv, rotacion që funksionoi. Cila ishte gjëja më e mirë në këtë ndeshje?

Përgjigjia e skuadrës, të gjithë prisnin fitoren ndaj Crvena zvezdës, por nuk ishte diçka e mirëqenë. Këto janë ndeshje të pabesa, duhej t’i jepnim vazhdimësi paraqitjes sonë të mirë në Manchester. Është një rrugëtim i gjatë, plot me vështirësi.

Dhimbja e Lautaros në fund…

E pashë në minutat e fundit që po prekte kofshën, më tha se nuk duhet të ketë asnjë problem.

A bënë të njëjtat lëvizje Taremi dhe Arnautovic në pjesën e parë?

Të mos harrojmë se ishte hera e parë që luanin bashkë, më kishin bindur gjithë këto ditë. Janë dy lojtarë të fortë, të rëndësishëm për Interin, që luajtën një ndeshje të shkëlqyer. Jam i lumtur për ta, sepse kishin luajtur më pak. Lajm i shkëlqyer, duhet të vazhdojmë kështu. Jemi të kënaqur", tha ai.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se protestat mund ta forcojnë pozicion politik të PD-së?

Lajme të tjera



×

Lajmi i fundit

Operacioni antidrogë 'Five'/ GJKKO dënon me rreth 2 shekuj burgim 30 anëtarët e grupit kriminal! Një mori pafajësinë, për një tjetër shpallet moskompetenca

Operacioni antidrogë 'Five'/ GJKKO dënon me rreth 2 shekuj burgim 30 anëtarët e grupit kriminal! Një mori pafajësinë, për një tjetër shpallet moskompetenca

2 Tetor, 12:58