I shokuar dhe shpërthen në lot, kur ‘Pa Gjurmë’ i jep lajmin për shokun e ushtrisë

Kol Marku emri i të cilit u lakua gjatë në studio në emër të një miqësie, që i rezistoi kohës nuk jeton më. Ai ka ndërruar jetë në moshën 26-vjeçare, ndërsa la pas gruan shtatzënë. Për Pavlin Ujkashin, në një lidhje me skype nga Londra, ky ishte një lajm i papritur, pasi ai shpresonte ta takonte djalin nga Shllaku i Shkodrës. 34 vite ata humbën kontaktet, ditën që u liruan nga ushtria. Ndarja nga jeta, në kulmin e moshës e pikëlloi 54-vjeçarin, i cili nuk i përmbajti dot lotët.

Jeta i ka këto, janë rrethanat. Më dhimbset shumë, se e kam konsideruar si një vëlla. Shpresova ta takoja pas 34 vitesh ditën kur u ndamë, pasi u liruam nga ushtria. 

Emocionohet edhe më shumë, ky 54-vjeçar kur ’Pa Gjurmë’ i shfaq për herë të parë fotot me imazhin e shokut, siç ai e mbante mend. Stafi i programit e lidhi Pavlinin me familjen e të ndjerit Kol Marku, djali i të cilit tashmë është një 26 vjeçar. Ai erdhi në jetë, pasi babai mbylli sytë përgjithmonë.  

Jeta është kjo, pavarësisht se nuk doja ta dëgjoja këtë lajm. I uroj shëndet familjes dhe i përcjell ngushëllimet. Më vjen keq, por shyqyr që ka lënë djalin. Pas një të keqe të paktën e ka lënë një trashëgimtar.

Nuk mundi dot ta falenderojë ballazi, por publikisht ia përcolli mesazhin. Kol Marku i shpëtoi jetën Pavlinit ndaj, për këtë arsye, ai kërkoi t’ia kthej nderin. Historia e dy shkodranëve, në emër të mirënjohjes, emocionoi jo pak publikun. Pavlin Ujkashi nga Malësia e Madhe rrëfeu si u njoh me Kol Mark Markun nga Shllaku i Shkodrës, në vitin 1987, ndërsa kryenin shërbimin ushtarak në Soplik të Gjirokastrës. Nga një ngjarje që ndodhi në kapanonin e ushtrisë lindi një miqësi e ngushtë mes dy të rinjve, 18-vjeçarë në atë kohë. Pas një debati të çastit, për arsye banale Pavlini konfliktohet më dy ushtarë të tjerë nga Fieri, debat i cili do të degjeneronte deri në përdorimin e armëve të shërbimit. Ishte Kola ai që i doli para kësaj situate duke i shpëtuar jetën shokut të tij. Pavlini nuk e shuajti kurrë nga kujtesa atë ngjarje, ndaj në një lidhje skype nga Anglia, ku ndodhet që prej vitit 1999 kërkoi të rilidhte kontaktet e humbura me personin që i ishte gjendur pranë këtë moment të vështirë të jetës. Pavarësisht se nuk e gjeti gjallë ai I është mirënjohës, deri në fund të jetës. 

 

 

O.D.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Miratohet bonusi i qirasë për familjet e Kombinatit, Veliaj: Brenda verës hedhim shortin për shtëpitë e reja! I kemi fituar të gjitha gjyqet

Miratohet bonusi i qirasë për familjet e Kombinatit, Veliaj: Brenda verës hedhim shortin për shtëpitë e reja! I kemi fituar të gjitha gjyqet