Është folur shpesh për krizën brenda PD, se Basha është tradhtar i demokratëve!
Madje, është bërë një propagandë e madhe në radhët e simpatizantëve për t’ua ngulitur në kokë se Basha është tradhtar!
Aq e fortë ka qenë kjo propagandë, falë edhe mbështetjes së fuqishme të disa mediumeve, sa nëse pyet demokratin më të ndershëm a është tradhtarë Basha? Ai menjëherë, pa u menduar dy herë të përgjigjet! Po! Por, nëse u kërkon demokratëve që besojnë në tradhtinë e Bashës se në çfarë e si i ka tradhtuar? Përgjigja e tyre është: Nuk e dimë, por e kemi dëgjuar!
Në fakt në historinë më shumë se 2 vjeçare të krizës së PD dhe në veçanti të vitit të fundit i tradhtuar i vetëm është Basha! Të gjithë e tradhtuan!
Si e tradhtuan? Të gjithë ata që sot janë deputetë dhe janë kundër Bashës janë teorikisht deputetë falë Bashës! Praktikisht duhet të na e shpjegojnë Berisha dhe Basha se kush i ka diktuar, kushtëzuar, ka vendosur veton për listën e 2021! Por, gjithmonë parimisht, këta që sot janë deputetë dhe janë kundër Bashës janë aty falë investimit të tij politik, besimit të tij e aprovimit të tij!
Tradhtinë në rastin e krizës së PD e kanë trajtuar edhe në këndvështrim kanunor! Në fakt është absurditet që kriza e PD, që duhet të ishte partia me liberale dhe më e përparuar në vend, akoma ka diskurs të brendshëm të saj kanunin a thua sikur të ishin në kohën e bajraktarëve të dikurshëm që ndanin zonat e influencës dhe po ashtu territorin mbi bazën e marrëveshjeve gojore! Megjithatë, në asnjë literaturë moderne nuk ka asnjë lloj shpjegimi se politika funksionon mbi besën dhe mos mbajtja e kësaj të fundit është e konsideruar “akt tradhtie”! Politika njeh ekuilibrave dhe marrëveshje e kur këto nuk funksionojnë prishen!
Po pse i tradhtuar i vetëm është Basha? Sepse, edhe pas zgjedhjeve të fundit të 2021, ishin po këta që i besuan Bashës një mandat tjetër me procesin e njohur “një anëtar e një votë”! Jo vetëm kaq! Por, më vonë në Kuvend i bënë elozhe Bashës përballë Ramës, se ishte lideri i arritjeve të mëdha si anëtarësimi në Nato, liberalizimi i vizave, rruga e Kombit e për këtë arsye Rama as nuk kishte asnjë arsye të krahasohej me të!
Politika është ajsberg dhe thuajse gjithmonë militantët dhe votuesit shikojnë vetëm majën, ndërsa atë pjesën në thellësi e shikojnë vetëm protagonistët! Mbështetja e Bashës edhe pas zgjedhjeve të 2021 duke u rikonfirmuar ka disa dilema të mëdha:
Basha ju duhej vetëm për të fituar dhe për tu dhuruar pushtetin e ndoshta nuk do ta linin të bëhej as kryeministër. Prandaj, në këtë këndvështrim, me keqardhje them më mirë që nuk i fitojë zgjedhjet.
Basha de facto s’ka qenë asnjëherë kryetar i PD! Për këtë duhet të jetë vetë Basha që të na jap versionin e vërtetë të fakteve. Nëse është e vërtetë pyetja më e rëndësishme është: Pse ka pranuar kushte të tilla?
Tradhtia reale ndaj Bashës fillojë pas ngjarjeve të janarit, ku atë që e frymëzuan për të qëndruar dhe po ata vetë e justifikuan qëndresën e tyre për shkak të parimeve, pa asnjë shkak real e tradhtuan dhe e lanë vetëm. As ketë demokratët nuk e morën veshtë asnjëherë të vërtetën pse ndodhi? As sot nuk e dinë realisht pse e çfarë ndodhi!
Marrëveshja aktuale ose më mirë rikonforimi i marrëveshjes së 2008, në kontekstin po në kontektin aktual e kam analizuar se ndër qëllimet kryesore është defaktorizimi i Bashës në arenën politike. Sot, Basha, me siguri me vonesë, mbajti fjalën e tij në Kuvend e ndërsa ish të besuarit e tij qeshnin! Qeshja e tyre ishte një mesazh i rëndësishëm ndër personal, por edhe publik e politik! Basha ka pasur këshilltarë të gabuar dhe strategji të gabuar! Ai ka pritur me shpresën se ujërat do të qetësoheshin me kohën e për këtë arsye nuk mori asnjë masë për të ndërtuar diga që do e mbronin! Basha duhet të ishte në betejë të fortë politikë gjatë gjithë këtij harku kohor! Duhet të luftonte politikisht për padrejtësitë personale, por edhe për të mbrojtur interesat e demokratëve si lider që i ka drejtuar formalisht nga 2013 e deri më sot!
Tashmë, Bashës, me vonesë në aksion, nuk i mbetet rrugë tjetër veçse të bëjë marrëveshje të sinqertët me demokratët dhe shqiptarët për të çuar përpara projektin e tij politik.
Lajme të tjera
-
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Alban Daci: Ku po shkon konflikti në Ukrainë?
21 Nëntor, 15:34
-
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Alban Daci: Me indiferentizmin tonë po “vrasim” politikën!
15 Nëntor, 18:01
-
Alban Daci: Pse nuk kemi pasur lider të mëdhenj deri tani?
14 Nëntor, 17:37
-
Alban Daci: Trump dhe Europa!
13 Nëntor, 14:08
-
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20
