Komisioni i Monitorimit të Reformës në Drejtësi: Bujar Sheshi ish-sigurims, KLP-ja të marrë vendim

TIRANË - Komisioni i Monitorimit të Reformës në Drejtësi pranë Kuvendit të Shqipërisë ka shqyrtuar sot çështjen “Sheshi” dhe ka arritur në përfundimin se anëtari i Këshillit të Lartë të Prokurorisë qëndron në detyrë në kundërshtim me ligjin. “Në vlerësim të Komisionit të Pavarur, nisur nga Vendimi i Autoriteti për Informim, vlerësohet si në kushte të pazgjedhshmërisë në ushtrimin e funksionit dhe kandidatët për KLP, qenia anëtarë, bashkëpunëtorë të sigurimit të shtetit”.

Në përfundim, Komisioni i Pavarur i Monitorimit rekomandon, që Këshilli i Lartë i Prokurorisë të mblidhet menjëherë dhe të marrë një vendim për këtë çështje, të cilën edhe ky komision e quan me ndjeshmëri të lartë publike. Po ashtu, Komisioni i ka kërkuar Komisionit të Ligjeve të thërrasë në dëgjesë anëtarët e autoritetit të hapjes së dosjeve, për të dhënë shpjegime pse janë vonuar verifikimet e prokurorit Bujar Sheshi, si dhe të raportojë nëse ka raste tjera të ngjashme gjatë ngritjes së organeve të reja të drejtësisë, kur Autoriteti i Hapjes së Dosjeve ka vonuar përgjigjet tej afateve. 

Komisioni i Monitorimit të Reformës në Drejtësi pranë Kuvendit të Shqipërisë i kërkon njëkohësisht edhe Prokurorisë së Përgjithshme të tregojë se çfarë masash ka marrë pasi është vënë në dijeni nga Autoriteti i Dosjeve se Bujar Sheshi rezultonte bashkëpunëtor i sigurimit me pseudonimin “Venus”. Kur një anëtar i Këshillit të Lartë të Prokurorisë gjendet në kushtet e pazgjidhshmërisë, siç mund të jetë ky rast, shkarkimi i tij bëhet nga Këshilli i Lartë i Prokurorisë. Nëse Bujar Sheshi shkarkohet, atëherë zëvendësimi i tij duhet të bëhet nga radha e prokurorëve të apelit dhe Arta Marku duhet të hapë sërish aplikimet dhe të thirret Konferenca Kombëtare e Prokurorëve për të votuar anëtarin e ri. 

Vendimet e marra sot nga komisioni për monitorimin e reformës në drejtësi për Bujar Sheshin

Më herët reagoi vetë Autoriteti për Informimin mbi Dokumentet e Ish-Sigurimit të Shtetit ku sqarohet se vonesa në kthimin e përgjigjes lidhet me faktin se dokumentet e ish-Sigurimit të Shtetit ruhen në godina të ndryshme, shumë larg nga zyrat aktuale të këtij institucioni, kontradiktat me të dhënat e shënuara në Formularin e Aplikimit në lidhje me gjeneralitetet dhe faktin se kërkimi i dosjeve është realizuar pothuajse në mënyrë manuale duke marrë shumë kohë (Lexo të plotë).

Ndërsa Prokuroria e Përgjithshme ka nisur hetimet për këtë rast. Përmes një deklarate organi i akuzës deklaroi se vonesa në kthimin e përgjigjes nga AIDSSH dhe plotësimi i deklaratës individuale të nënshkruar prej prokurorit Bujar Sheshi, përkundrejt përgjegjësisë ligjore, që nuk përputhet në përmbajtje me vendimin e AISSH, janë objekt i një hetimi të thelluar nga prokuroria kompetente (Lexo këtu). 

Bujar Sheshi u denoncua pak ditë më parë nga Partia Demokratike se nga dokumentet në arkivën e shtetit rezulton të ketë qenë bashkëpunëtor i Sigurimit të Shtetit (Lexo këtu) dhe se ka mbajtur pseudonimin "Venusi". Nga ana tjetër, ka reaguar edhe vetë prokurori, njëherazi anëtar i KLP-së. Gjatë mbledhjes së sotme të KLP-së, ai ka mohuar akuzat në adresë të tij duke i quajtur ato sajesa të ulëta (Lexo të plotë). Ndërsa kryetari i Këshillit të Lartë të Prokurorisë, Gent Ibrahimi u shpreh se në ditët në vijim do të vendoset nga institucioni që ai drejton për këtë çështje.

Gënjeu KPK-në/ Si kaloi Vettingun prokurori i çështjes Meta –Prifti
Bujar Sheshi që njihet dhe si prokuror i çështjes Meta –Prifti kaloi procesin e vettingut si prokurori i Apelit të Krimeve të Rënda dhe u bë pjesë e Këshillit të Lartë të Prokurorisë. Sheshi ka qënë bashkëpunëtor i sigurimit të shtetit që në kohën e gjimnazit me pseudonimin “Venusi” dhe në vitin 1979 nisi detyrën si hetues në degën e Punëve të Brendshme në Fier. 

Ky fakt është konfirmuar edhe nga Autoriteti i Hapjes së Dosjeve, që ka vënë në dijeni dhe Kryeprokuroren Arta Marku e kjo e fundit ia ka çuar parlamentit. 

“Nga verifikimi i kryer rezulton se figuron dokumentacion i krijuar nga struktura e ish-sigurimit të shtetit për shtetasin Bujar Sheshi (Shesha). Kartela model 2, me nr 8023 me këto të dhëna: ‘Bujar Rasim Shesha, i datëlindjes 1957, vendlindja Tiranë, arsimi me dy të mesme, nxënës në shkollën Petro Nini Luarasi me pseudonimin “Venusi”, sektori V, drejtimi inteligjencë rini. Data e tërheqjes në bashkëpunim dt 13.02.1974,” - thuhet në konkluzionet e Autoritetit të Hapjes së Dosjeve.

//Shqiptarja.com
  • Sondazhi i ditës:

    Përplasja me Bashën, jeni pro apo kundër rikthimit të Sali Berishës në krye të PD-së?

Komento

Komente

  • keli: 28/01/2019 18:06

    Sic duket filluan sajesat per njerez te ndershem si ky prokurori. Frike nga reforma ne drejtesi....

    Përgjigju
  • Gjirokastrigi: 28/01/2019 17:57

    Po mire pse nuk happen dosjet per politikanet nenpunsit e shtetit por i lini I lini e pastaj I hapi e veproni kur trashen gjerat I

    Përgjigju
  • Gjirokastrigi: 28/01/2019 17:56

    Po mire pse nuk happen dosjet per politikanet nenpunsit e shtetit por i lini I lini e pastaj I hapi e veproni kur trashen gjerat I

    Përgjigju
  • Gjirokastrigi: 28/01/2019 17:56

    Po mire pse nuk happen dosjet per politikanet nenpunsit e shtetit por i lini I lini e pastaj I hapi e veproni kur trashen gjerat I

    Përgjigju


×

Lajmi i fundit

John

Etna shpërthen sërish, pamje nga krateri i vullkanit