POP 5

Lajmet më të lexuara të 5 minutave të fundit

Sport

‘I zhgënjyer dhe i zemëruar’, Briken Calja: Shteti nuk po më jep asnjë shpërblim

Birken Calja edhe një herë ka reaguar për shpërblimet që i takojnë në bazë të arritjeve që peshëngritësi ka arritur në dy vitet e fundit.

‘I zhgënjyer dhe i zemëruar’, Briken Calja: Shteti nuk po më jep asnjë shpërblim

Peshëngritësi Briken Calja, i cili dy vitet e fundit ka bërë krenar Shqipërinë, duke fituar medalje në kampionatin Europian dhe atë Botëror, ka reaguar sërish kundër burokracive të qeverisë për shpërblimin që i takon në bazë të VKM-së. Calja thotë se është i zhgënjyer dhe i zemëruar, ndërsa në të njëjtën kohë edhe kryelartë për arritjen. Gjithsesi në fund peshëngritësi lë të hapur mundësinë për një bashkpunim, ndërsa i bën thirrje për zgjidhjen e çështjes kryeministrit dhe Ministrisë së Arsimit dhe Sporteve.

Postimi i Briken Cales në rrjetet sociale

I ZHGËNJYER DHE I ZEMËRUAR POR KRYELARTË

Përgjatë dy viteve të fundit kemi arritur rezultate historike për sportin shqiptar dhe për peshëngritjen në veçanti!

Por në Shqipëri këto triumfe hostorike të hidhen në kosh sa hap e mbyll sytë.

Marrim nje shembull konkret: Në Bullgari kundështarit tim në peshën 73 kg Andreev Bozhidar, pas 21 ditëve, kohë e cila është normale për sa i përket pritjes që i bëhen analizave anti-doping, ministri perkatës i sporteve i bën pritje zyrtare dhe i siguron mbështetje të mëtejshme institucionale, financiare dhe morale për garat e ardhshme. Ndërsa në një univers paralel, Briken Calja në Shqipëri, fitues i 4 medalje të arta e 2 të argjendta Evropiane dhe një bronzi Botërore, ende nuk është shpërblyer për të gjitha medaljet që i takojnë dhe është në pritje akoma pas 19 muajve për një pritje zyrtare nga ana e institucioneve përkatëse. Kjo është skandal dhe qesharake njëkohësisht.

Meqë ra fjala te shpërblimet, po ju informoj e sqaroj që zyrtarët e ministrisë me anë të disa argumentave qesharakë nuk zbatojnë dhe hedhin në kosh rregullat e Federatës Botërore të Peshëngritjes dhe V.K.M-në për shpërblimet në sport. Unë po kërkoj zbatimin e një VKM-je, asgjë më shumë, as lëmoshë e asgjë. Për Brikenin flet rezultati dhe jo burrokracitë dhe parazitizmat e rëmdomta që gjejmë në shoqërinë tonë.
Realisht ligji i sportit dhe VKM-të përkatëse janë përmirësuar ndjeshëm po problemi qëndron zbatimi i tyre.
Po vuaj padrejtesisht këtë çështje dhe dispozitat ligjore te parashikuara ne V.K.M dhe ligjin shqiptar më japin plotësisht të drejtë të përfitoj shumë herë me tepër se çkam përfituar deri më sot. Konkretisht, në 2018, kam marre 3 medalje ari dhe jam shperblyer vetem per nje te tille, shto dhe faktin që për shpërblimin e një medaljeve të vetme kam pritur 1 vit të plotë kalendarik, nderkohë ligji shqiptar e parashikon për 3 muaj. E njëjta gjë ndodh dhe me medaljet e 2019.

Me kanë kerkuar dokumentacion nga Federata Boterore,Europës,Komiteti Olimpik dhe Federata Shqiptare. Ja kam dorëzuar te gjitha dokumentat përkatëse dhe Ministria i ka dorëzuar vetë në institucionet përkatëse. Tani nuk dihet se ku qëndron problemi.
Çduhet të bëj më Briken Calja?

Prisni se ka akoma: Çështje tjetër është dhe punësimi i medalistëve të kampionatit Evropian dhe Botëror. Konkretisht nga ana ligjore unë përfitoj punësim pranë Ministrisë se Brendshme ose te Mbrojtjes por deri tani asgjë e tillë ska ndodhur edhe pse dokumentacionet janë plotësuar të gjitha zyrtarisht.

Se kur do të plotësohen këto gjëra nuk e di, mbase pas një shekulli?!
Ligji dhe VKM-ja për sportet kanë një vit që kanë hyrë në fletoren zyrtare.

Jam i lodhur nga këto burrokracira. Kur do të vijë dita kur do të marrim atë që meritojmë pa u bërë pjesë e këtyre dogmave skandaloze të shoqërisë sonë.

Njëkohësisht nëpërmjet këtij postimi publik i drejtohem Kryeministrit dhe Ministres së Arsimit dhe Sporteve.
Jam i gatshëm të bashkëpunoj për ti dhënë drejtimin e duhur zgjidhjes së kësaj situate.

I zhgënjyer, i zemëruar por kryelartë.

Juaji, Brikeni

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dhima: 18/10/2019 10:25

    Tani besoj e kupton ti briken sa shume me i zgjuar se ti ishte leonidas sabanis dhe pirros dhimas qe shqyen ferren dhe iken ne Greqi ku jo vetem u bene milionera po edhe i respektojne me shume se ne memedheun e dashur.Rri ti me shkrime facebooku se po i rruhet kujt per ty ne Shqiperi.

    Përgjigju
  • demi: 17/10/2019 21:20

    Nuk ka faj shteti se ju sot fitoni medalje dhe mbas testit dilni te droguar.

    Përgjigju
  • Qytetar: 17/10/2019 16:36

    Bravo, kampion. Mos u dorezo per te drejten tense, shif edhe mubdesine e ndonje gjyqi, e pastaj shko me ndonje shtet tjeter se je sportist dhe kerkon profesionalizem e djersen Tate. Keta as ta japin, por te fusin strese.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

24 Nëntor, 07:05