'Ilaçe, kite dhe pajisje mbrojtëse'/ 'Shëndetësia' kontrata për COVID-in rreth 231 mln lekë

TIRANË- Rreth 231 milionë lekë është vlera e kontratave të fundit të lidhura nga Ministra e Shëndetësisë, Instituti i Shëndetit Publik dhe QSUT, për medikamente, kite dhe pajisje mbrojtëse për COVID-19.

Për blerje ilaçesh antineoplastik dhe immunomodulator, Tocilizumab 400mg/20ml” për nevojat e QSUT-së për situatën anti-COVID -19, ministria e Shëndetësisë ka lidhur kontratën me një shoqëri farmaceutike me një fond 25 milionë lekë.

Po ashtu vetë QSUT ka lidhur një kontratë me një kompani për  “Furnizimin e nevojave emergjente për një periudhë 90 ditore me mjete për mbrojtje personale për përballimin e situatës COVID-19”, me afat 12 muaj. Procedura e ndjekur ishte me negocim pa shpallje paraprake të njoftimit të kontratës, dhe me një fond limit 132,8 milionë lekë pa TVSH.

Ndërkohë spitali COVID-2, ‘Shefqet Ndroqi’ ka lidhur një kontratë me një kompani në sektorin e farmaceutikës për “Blerje artikujsh për masa mbrojtëse personale për përballimin e situatës emergjente COVID-19, për një periudhë 90 ditore”, me fond limit 73,7 milionë lekë pa TVSH, po me procedurën negocim pa shpallje paraprake të njoftimit të kontratës.

Ndërsa ISHP ka hapur një tender me fond limit 10.3 milionë lekë të ndarë në 3 lote me objekt blerje reagente për kryerjen e testimeve për Covid – 19, dhe do të jetë me afat 1 vit.

Nga ana tjetër një tender me fond limit prej 14 milionë lekësh për Blerjen e materialeve konsumi mjekësore rutine për kryerjen e testimeve për Covid – 19, i hapur nga Instituti i Shëndetit Publik, është anuluar për shkak se asnjë nga ofertë e paraqitur nuk përputhej me kriteret e përcaktuara në dokumentet e tenderit.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë