POP 5

Lajmet më të lexuara të 5 minutave të fundit

Politikë

Ilir Meta shpallet kreu i LSI-së
Fiton ndaj kandidatit Luan Rama

Ilir Meta shpallet fituesi i garës për kreun e Lëvizjes Socialiste për Integrim, përballë kandidati tjetër Luan Rama. Ilir Meta triumfoi me 78 % të votave ndaj 21,4 % të marra nga Luan Rama. Votimet kane perfunduar rreth ores dje 18:00. Pjesëmarrja në votim  85,5%.
TIRANE- Ilir Meta shpallet fituesi i garës për kreun e Lëvizjes Socialiste për Integrim, përballë kandidati tjetër Luan Rama. Sot, kryetari i KQZ-së së LSI-së, Ylli Manjani në një deklaratë për shtyp shpalli rezultatin e zgjedhjeve, ku Meta triumfoi me 78 % të votave ndaj 21,4 % të marra nga Luan Rama, sekretar i Përgjithshëm i Partisë.

Manjani deklaroi se në votim morën pjesë 31 422 anëtarë të regjistruar në listat e zgjedhjeve, pra 85.5 % e tyre, ndërsa sqaroi se nga32 421 fletë votimi, 329 të rezultuan të pavlefshme.

Zgjedhjet për kreun e LSI u zhvilluan gjatë ditës së djeshme.

Pas shpalljes së rezultatit vetë kreu i riafirmuar i LSI, Ilir Meta dhe sekretari i Përgjithshëm Luan Rama përshëndetën procesin e votimit e i uruan suksese njëri-tjetrit “në punën drejt Shqipërisë Evropiane".


DJE, ZGJEDHJET NE LSI
Rreth orës 18:00, 159 qendrat e votimit të ngritura në të gjithë Shqipërinë për të zgjedhur kreun e ri të Lëvizjes Socialiste për Integrim (LSI) janë mbyllur dhe tashmë ka nisur numërimi fletëve të votimit. Në garë janë kreu aktual Ilir Meta dhe sfidanti Luan Rama, sekretar i Përgjithshëm i partisë.

Kryetari i Komisionit Zgjedhor në LSI, Ylli Manjani ka deklaruar se mund të kemi një rezultat që mbrëmjen e sotme ose maksimumi nesër. Sipas tij, në votim kanë marrë pjesë rreth 31 mijë anëtarë të LSI-së, nga mbi 36 mijë që janë në total, pra rreth 86% e anëtarësisë. "Eshtë një shifër e konsiderueshme, një shifër e lartë, që tregon pjesëmarrje, angazhim të lartë politik dhe përgjegjësi të lartë politike të anëtarësisë së Lëvizjes Socialiste për Integrim”, tha Manjani.

Pak orë para votimit, dy kandidatët Luan Rama dhe kreu aktual Ilir Meta, i bënë thirrje anëtarëve më të rinj që të bëjnë zgjedhjen e tyre që do sjellin ndryshimin. LRI mbajti pasditen e djeshme një aktivitet për anëtarësimet e reja në parti, në Akademinë e Arteve.

 “Ardhshi të bardhë në LSI. Urimi ardhshi të bardhë është urimi që çdo zemër shqiptari bën për këdo. Që bëhet krah për të ecur sëbashku dhe për të fituar sëbashku”, deklaroi Luan Rama. Kandidati Luan Rama teksa vlerësoi fushatën brenda partisë, ftoi të rinjtë e LRI të marrin pjesë në zgjedhjet e ditës së sotme si dëshmi e angazhimit qytetar për të qënë pjesë e vendimmarrjes.

Kreu aktual i LSI Meta duke uruar mirëseardhjen anëtarëve më të rinj të LSI, një ditë para votimeve për zgjedhjen e kryetarit të partisë sipas parimit “një anëtar një votë” theksoi se LSI është forcë e atyre që duan të ecin më shpejt drejt Europës. “LSI forcë e së ardhmes, dhe e shumicës më të re të Shqipërisë”, tha Meta. Sot në orën 08.00 hapen kutitë e votimit në të gjithë vendin, ku do të zgjidhet kreu i LSI mes Metës e Ramës sipas parimit “një anëtar një votë”.

(sg/Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Penguan qarkullimin e makinave gjatë tubimit para Bashkisë, nën hetim 7 protestues! Policia: Vendosën një automjet në mes të rrugës

Penguan qarkullimin e makinave gjatë tubimit para Bashkisë, nën hetim 7 protestues! Policia: Vendosën një automjet në mes të rrugës

11 Janar, 13:37