POP 5

Lajmet më të lexuara të 5 minutave të fundit

Opinion

Ilir Yzeiri: Sali Berisha si Vladimir Putini i Rusisë, Lulëzim Basha gjithnjë e më shumë perceptohet si Zielinski i PD-së.

Pas fitores karikaturore të Berishës dhe Metës mbi Lulëzim Bashën me 6 mars, Sali Berisha ashtu si Putini, nisi ofensivën mbi PD-në dhe Lulëzim Bashën, duke e shtyrë më tej agresionin që kishte nisur mbi Donbasin dhe Krimenë e SHQUP-it duke shpallur se ajo hapësirë është e tija ashtu siç thotë Putinë për Ukrainën.

Ilir Yzeiri: Sali Berisha si Vladimir Putini i Rusisë, Lulëzim Basha gjithnjë e më shumë perceptohet si Zielinski i PD-së.

Berisha dhe Basha

Dje, kolegu Frrok Çupi, në një analizë të tijën me titull « Fati i PD-së varet në Ukrainë » (Tema, 16 mars 2022) bënte një paralele mes fatit të Ukrainës dhe Jaltës, marrëveshjes që ndau botën dhe zonat e influencës pas përfundimit të Luftës II Botërore. Unë dua ta shtyj në një drejtim tjetër këtë metaforë.

Pas fitores karikaturore të Berishës dhe Metës mbi Lulëzim Bashën me 6 mars, Sali Berisha ashtu si Putini, nisi ofensivën mbi PD-në dhe Lulëzim Bashën, duke e shtyrë më tej agresionin që kishte nisur mbi Donbasin dhe Krimenë e SHQUP-it duke shpallur se ajo hapësirë është e tija ashtu siç thotë Putinë për Ukrainën.

Ëndrra e Berishës për të pushtuar hapësirat e PD-së kundër vullnetit të aletaëve tanë strategjikë, pra kundër vullnetit të SHBA-ve, në mënyrë metaforike, ngjet me agresionin e Putinit mbi Ukrainën. Edhe Berisha ashtu si Putini e rrethoi PD-në dhe e sulmoi me të gjitha mjetet. Për ironi të fatit Lulëzim Basha, pjella groteske e Berishës, mori pamjen e Volodimir Zyelinskyt sepse ai, në mënyrë të papritur, përqafoi vlerat perëndimore dhe e shpalli Berishën, Putinin e Ballkanit si një personazh të padëshiruar për PD-ne sepse ai, gruaja e tij Liri Berisha, djali i tij Shkëlzen Berisha dhe vajza e tij Argita Berisha, ishin projektuar nga SHBA-të të përfshirë në korrupsion thelbësor për vete dhe mqtë e tij, se kishte penguar drejtësinë dhe minuar demokracinë. Imazhi politik i Berishës është njësoj si ai i Putinit, ndërsa Lulëzim Basha, ashtu si Zielinski, u përpoq të shkëputej nga perandoria e së keqes që është shenjuar në figurën e Berishës dhe Metës. Mirëpo, pikërisht atëherë kur u mendua se PD-ja shpëtoi, ajo u sulmua brutalisht nga Berisha.

Ai iu ngjit dhe frymëzoi demagogët dhe sharlatanët revolucionarë që në një kohë kur gjithë bota e ka mendjen të lufta mes vlerave dhe antivlerave, mes perandorisë së krimit dhe një vendi që po martirizohet për të mbrojtur vlerat e demokracisë dhe të lirisë, ata nisën një protestë karikaturore kundër sanksioneve që prodhuan rritje çmimesh. Retorika e kësaj proteste, që ashtu siç e deklaroi Berisha në Parlament ditën e enjte, frymëzohet prej tij, por që ai nuk mund të dalë në krye, në një farë mënyre, drejtohet kundër Perëndimit dhe SHBA-ve, për t’u treguar atyre se Berisha dhe Meta janë gjallë dhe nuk mund të zhbëhen nga sanksionet, ashtu si Putini që kërcënon nga mëngjesi deri në darkë Perëndimin. Edhe oligarkët e PD-së me Jozefina Topallin në krye u reshtuan hapur në krah të Putinit të Ballkanit, Sali Berishës me arsyetime banale, duke thënë se PD-ja është Berisha. Në këto kushte Lulëzim Basha, duam apo nuk duam ne, ka misionin historik të Zielinskit. Ai duhet ta shpëtojë PD-në nga sulmet barbare të Berishës dhe oligarkëve që e mbështesin atë duke rezistuar. Të gjithë ata që duan Berishën le të shkojnë me të. Në PD, qoftë edhe dhjetë veta po mbetën, të paktën të identifikohen si PD-ja që nuk ka lidhje me Sali Berishën - Putinin e Ballkanit, por që ka lidhje me aletatët perëndimorë SHBA-të dhe BE-në, me të gjithë ata që sot kanë ndërprerë çdo lidhje me Putinin dhe mbështesin Zielinskin. Njësoj si në PD. Aleatët tanë kanë mbështetur Bashën dhe kanë refuzuar dhe dënuar Berishën ose Putinin e Ballkanit, i cili, ashtu si Putini në Moskë tregon përralla me votën e lirë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 17/03/2022 13:26

    Po cjane keto krahasime kocibaciste. Putini eshte ne krye te pushteteve ne Rusi. Ai dhe klika e tij oligarkike zhvat popullin, godet te eleminoje cdo opozite dhe shty protestat si "tradhetare"dhe "turp" te Rusise. Me ke te duket se ngjan? Me Saliun?

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

26 Dhjetor, 22:50