POP 5

Lajmet më të lexuara të 5 minutave të fundit

Kronikë

Inceneratori i Elbasanit, SPAK u komunikon avokatëve akuzat për Ahmetajn, Mërtirin dhe Zoton! Tre akuzat për ish-numrin dy të qeverisë

SPAK u ka komunikuar avokatëve akuzat për Arben Ahmetajn, Mirel Mërtirin dhe Klodian Zoton për aferën e inceneratorit të Elbasanit pasi të tre ndodhen në arrati. Mbi ish zv. Kryeministrin rëndojnë akuzat për korrupsion në 6 raste, pastrim parash dhe fshehje e mosdeklarim pasurie.

Prokuroria e Posaçme u ka komunikuar zyrtarisht akuzat Arben Ahmetajt, Klodian Zotos dhe Mirel Mërtirit, lidhur me inceneratorin e  Elbasanit.

Mbi ish zv. Kryeministrin rëndojnë akuzat për korrupsion në 6 raste, pastrim parash dhe fshehje e mosdeklarim pasurie. Dy bashkëpunëtorët e tij, Mërtiri dhe Zoto, do të përgjigjen për akuzat e korrupsionit aktiv dhe pastrimit të parave. Akuzat u janë komunikuar avokatëve të pandehurve pasi të 3 janë në arrati.

Edhe ish-bashkëshortja e Ahmetajt, Albina Macka është marrë e pandehur. Ish-bashkëshortja e Ahmetajt akuzohet për dy vepra penale 'Fshehje pasurie' dhe 'Pastrim të produkteve të veprës penale'.

Prokuroria e Posaçme është drejt përfundimit të hetimit për ish zevenkryeministrin Arben Ahmetajn në lidhje me hetimin e nisur si fraksion i dosjes së Inceneratorëve. Hetimi nisi pas kallëzimeve që u bënë ndaj tij, se ka përfituar qindra mijëra euro, dhurata e udhëtime të paguara nga administratorët e inceneratorëve.

Ahmetaj dyshohet se ka ndërmarrë një mori aktesh, në funksionet e tij si ministër, për t’i mundësuar këtyre sipërmarrësve lidhjen e kontratave koncensionare. 

Prej 24 korrikut 2023 Arben Ahmetaj vijon të jetë në  kërkim ndërkombëtar. SPAK, në dosjen dorëzuar parlamentit në korrik të vitit të kaluar - kur i kërkoi parlamentit autorizim për arrestimin e tij - vinte në dukje transaksione financiare me shitje-blerje pasurish të patundshme, të shtrira ndër vite, që pas të cilave qëndronin dy sipërmarrësit e inceneratorëve Klodian Zoto dhe Mirel Mërtiri.

Rendit zhvillimet sipas orarit:
Ora 15:18
Dosja e Ahmetajt, merret e pandehur edhe ish bashkëshortja, akuzohet për fshehje pasurie dhe pastrim parash

Ish bashkëshortja e Arben Ahmetajt, Albina Macka, është paraqitur në SPAK së cilës i është komunikuar akuzat për aferën e inceneratorit të Elbasanit. Ish-bashkëshortja e Ahmetajt është marrë e pandehur nga SPAK dhe akuzohet për dy vepra penale 'Fshehje pasurie' dhe 'Pastrim të produkteve të veprës penale'.

B.K/Shqiptarja.com

B.K/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Meta nuk përmbahet para Konventës: Hajde hipim tek hekuri dhe bëjmë intervistë! Edhe Partinë Komuniste të Kinës e mundim

Meta nuk përmbahet para Konventës: Hajde hipim tek hekuri dhe bëjmë intervistë! Edhe Partinë Komuniste të Kinës e mundim

27 Prill, 10:42