POP 5

Lajmet më të lexuara të 5 minutave të fundit

Kronikë

Inceneratori i Tiranës, nis në GJKKO gjyqi ndaj Alqi Bllakos! Pranohet gjykimi i shkurtuar, ish-deputeti akuzohet për korrupsion

Ish-Sekretari i Përgjithshëm i Mministrisë së Mjedisit akuzohet për “korrupsion pasiv” në dy raste, në lidhje me hetimet për inceneratorin e Tiranës. Bllako kërkoi gjykim të shkurtuar, kërkesa u pranua. Akuzohet se përfitoi rreth 120 mijë euro si pagesë për makinerinë e verërave të të atit dhe 7 milionë e 520 mijë lekë nga shoqëria koncesionare

Tiranë- Ka nisur në Gjykatën e Posaçme gjyqi për ish-deputetin socialist, njëherësh ish-Sekretar i Përgjithshëm i Mministrisë së Mjedisit, Alqi Bllako, i cili akuzohet për “korrupsion pasiv” në dy raste, në lidhje me hetimet për inceneratorin e Tiranës. Bllako kërkoi gjykim të shkurtuar kërkesë që u pranua nga gjykata.

Në seancë ishte i pranishëm vetë Bllako, ndërsa prokurori Dritan Prenci, paraqiti në mënyrë të përmbledhur faktet duke dhënë edhe argumentet se përse kërkon gjykimin e Alqi Bllakos. 

Sipas SPAK gjatë hetimeve janë konstatuar veprime të kundërligjshme të kryera nga i pandehuri, në kohën kur ishte sekretar i përgjithshëm i ministrisë së Mjedisit. 

Bllako akuzohet se përfitoi rreth 120 mijë euro si pagesë për makinerinë e verërave të të atit, Edmond Bllako dhe 7 milionë e 520 mijë lekë nga shoqëria koncesionare për ndërtimin e inceneratorit për Vladimir Bezhanin, i cili  ishte këshilltar i jashtëm i ministrit Lefter Koka, ndërkohë që paguhej nga shoqëria “Integrated Technology Services” sh.p.k. 

Në seancën e radhës e cila u la në 29 Janar, pritet që prokuroria të paraqesë konkluzionet, ku do të kërkojë dënimin e Bllakos, ndërsa mbrojtja dhe vetë i akuzuari pafajësinë.  

S.G/A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55