Incidentet tek “Astiri”, Meta: E papranueshme dhuna e përsëritur ndaj banorëve të Unazës së Re

Kreu i Shtetit, Ilir Meta ka reaguar për incidentet që ndodhën gjatë ndërhyrjes së IKMT për prishjen e 33 objekteve në zonën e “Astirit”.

Meta thotë se ndaj banorëve të Unazës së Re është ushtruar dhunë, duke e cilësuar si patolerueshme ndërhyrjen e IKMT.

Kreu i Shtetit u ka bërë thirrje banorëve që të ruajnë qetësinë, ndërsa ka kërkuar që palët të ulen menjëherë për të dialoguar.

Reagimi i Metës:

E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre.

Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme.

Banorët të ruajnë qetësinë dhe të mos bien pre e provokimeve dhe palët të ulen menjëherë në dialog.

U uroj shërim të shpejtë të gjithë të plagosurve.

Lajmi kryesor:

'Bie Astiri'! REAGIMET - Basha: Gjithmonë krah banorëve! Braçe: Parelliu i madh tua paguajë shtëpinë sa vila e tij e luksit

TAG:
• Ilir Meta
• erion veliaj
• lulzim basha
• erjon brace
• banoret e astirit
• protesta e astirit