POP 5

Lajmet më të lexuara të 5 minutave të fundit

Ekonomi

Inflacioni i lartë i ushqimeve, pengesë për uljen e varfërisë! Shqipëria me nivelin më të lartë, pritet të zbresë në 23.9%

Varfëria në Shqipëri këtë vit do të ulet me 1.3%. Ky është parashikimi i bërë nga Banka Botërore, e cila në raportin e fundit thotë se 23.9% e qytetarëve në vend shpenzojnë më pak se 7 dollarë dita. Por parashikimi për reduktimin e varfërisë mund të përmbyset për shkak të çmimeve të larta të ushqimeve.

Rritja e punësimit dhe e pagave, po ulin nivelin e varfërisë në Shqipëri thotë Banka Botërore, por problem mbetet inflacioni. Sipas parashikimit të bërë varfëria këtë vit do të ulet me 1.3% krahasuar me vjet, dhe do të zbresë në 23.9%.

E përkthyer në shifra bazuar në të dhënat e INSTAT mbi numrin e popullsisë, rezulton se janë rreth 660 mijë individë që klasifikohen të varfër, e që shpenzojnë jo më shumë 6.8 dollarë në ditë për të përballuar jetesën. Për të përballuar shpenzimet mujore dhe shlyer faturat këta individë kanë në dispozicion rreth 210 dollarë.

Por perspektiva pozitive për uljen e varfërisë mund të përmbyset nëse do të përballemi me një rritje të mëtejshme të çmimeve, kryesisht të produkteve të shportës.

“Rritjet e mëtejshme të çmimeve të ushqimeve dhe energjisë përbëjnë një rrezik të rëndësishëm për rritjen ekonomike, pasi ato mund të ndikojnë negativisht në të ardhurat reale të disponueshme, të ngadalësojnë uljen e varfërisë dhe potencialisht të kufizojnë hapësirën fiskale”, thuhet në raportin e Bankës Botërore.

Shqipëria dhe Kosova kanë nivelin më të lartë të varfërisë, 23.9% dhe 23.6%, ndjekur nga Maqedonia e Veriut me 17.9%, Mali i Zi me 16.4% dhe në fund Serbia me 8%. Edhe Banka e Shqipërisë në vrojtimin për gjendjen financiare të familjeve, thotë se për shkak të çmimeve shpenzimet janë rritur më shumë se të ardhurat.

VARFËRIA NË BALLKANIN PERËNDIMOR

Shqipëri                             23.9%

Kosovë                              23.6%

Mali i Zi                            16.4%

Maqedonia e Veriut           17.9%

Serbia                                     8%

 

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

26 Janar, 07:27