POP 5

Lajmet më të lexuara të 5 minutave të fundit

Ekonomi

Inflacioni në tetor zbriti në nivelin më të ulët të 20 muajve, por nuk ndalet shtrenjtimi i produkteve të shportës! U rritën me 3.8%

Inflacioni në muajin tetor ka regjistruar nivelin më të ulët që prej tremujorit të parë të vitit 2022. Sipas të dhënave të Institutit të Statistikave në muajin e kaluar çmimet u rritën me 3.8%, nga 4.1% që ishte në shtator. Kjo është vlera më e ulët që prej shkurtit të vitit të shkuar kur inflacioni ishte 3.9%.

Inflacioni në muajin tetor ka regjistruar nivelin më të ulët që prej tremujorit të parë të vitit 2022. Sipas të dhënave të Institutit të Statistikave në muajin e kaluar çmimet u rritën me 3.8%, nga 4.1% që ishte në shtator. Kjo është vlera më e ulët që prej shkurtit të vitit të shkuar kur inflacioni ishte 3.9%.

Edhe pse vërehet një ngadalësim i inflacionit, përsëri produktet e shportës vijojnë të shtrenjtohen. Sipas raportit rritja më e madhe e çmimeve në muajin tetor në krahasim me vitin e kaluar u regjistrua tek grupi i argëtimit dhe kulturës me 7,6 %, pasuar nga grupet “Ushqime dhe pije joalkoolike” me 7,4 %. Por shtrenjtim është regjistruar pothuajse për të gjitha grupet e tjera, me përjashtim te transportit, pasi çmimi i naftës në tregjet e huaja është ulur.

Sa i takon shportës së ushqimeve, në tetor janë shtrenjtuar me 23.4% zarzavatet, me 8.4% produktet e bulmetit dhe vezët, për të vijuar me një rritje çmimi me 8,4 % të mishit, me 7,9 % të frutave, dhe më pas janë produktet e peshkut, ëmbëlsirat dhe bukë e drithëra, çmimet e të cilave vijojnë të rriten pa ndalesë.

Pak ditë më parë guvernatori i Bankës së Shqipërisë tha se tendencat rënëse të inflacionit janë ngadalësuar, për këtë arsye u rrit përsëri norma bazë e interesit me 0.25 %, duke e çuar në 3.25%.

Efekti i rritjes së normës bazë të interesit jep impakt të menjëhershëm tek shtrenjtimi i parasë, masë kjo që përdoret për të frenuar konsumin, në mënyrë që të balancohet kërkesa për produkte me ofertën që ka tregu.

Ky vendim i Bankës së Shqipërisë do të përkthehet edhe në norma më të larta interesi për kreditë që japin bankat për qytetarët e bizneset. Një rritje tjetër e normave të interesit mund shkaktonte edhe ngadalësim të investimeve në ekonomi pasi kostot e marrjes së kredisë do të rriten më tej.

Por këtë qasje të bankës qendrore e mbështet FMN, e cila tha se kthimi i inflacionit në 3% në vitin që vjen kërkon ndoshta një rritje më të fortë të normës bazë të interesit.

“Një rritje graduale e normës bazë drejt një pozicioni neutral, vlerësuar në rreth 4.5 për qind, do të ndihmonte kthimin e inflacionit në objektivin e synuar në fillim të 2025,” rekomandonte FMN pas mbylljes së misionit në vendin tonë në fund të muajit tetor.

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjyshi: 08/11/2023 20:15

    Ulje e inflacionit dhe rritja e cmimeve sikur nuk shkojne bashke! Marifetciu Sejko po godet perdite dhe me shume xhepat e shqipetareve duke ju grabitur edhe ato pak para te kursyera apo nga reminitancat. Se mos ka ndonje qe nuk e di qe Banka e shqiperise e ka detyre kushtetuese nderhyrjen ne tregune cmimeve ne mbrojtje te konsumatoreve. Sa per karburantet vetem ulje dhe pasqyrim real te cmimeve te burses nuk ka. Denar Biba i auturitetit te kobkurences nuk po di ku te fshehe parate e korupsionit duke u lene dore te lire masakruesve te xhepave te shqipetareve.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23