POP 5

Lajmet më të lexuara të 5 minutave të fundit

Ekonomi

INSTAT: 1.7 mln turistë të huaj vizituan Shqipërinë në 4 muajt e parë të 2023

Turizmi edhe këtë vit do të dominojë ekonominë e vendit. Instat raporton një rritje të ndjeshme krahasuar me një vit më parë. Vetëm gjatë 4 muajve të parë të këtij viti, në vendin tonë kanë hyrë, rreth 1.7 milion turistë të huaj.

Për detin, malin por edhe vendet kulturore, çdo vit e më shumë, vendi ynë  përzgjidhet gjithnjë e më shumë nga turistët e huaj. Edhe këtë vit, flukset turistike në rritje janë raportuar që në muajt e parë, ku sipas shifrave të Institutit të Statistikave, në janar-prill kanë hyrë në vendin tonë rreth 1.7 milionë të huaj. Shifër kjo, dyfish e krahasuar me të njëjtën periudhë të një viti më parë.

“Numri i shtetasve të huaj që kanë hyrë në territorin shqiptar është 614.256. Ky numër është rritur me 52,8%, krahasuar me Prill 2022. Gjatë katër mujorit të parë 2023, numri i shtetasve të huaj që kanë hyrë në territorin shqiptar është 1.684.820. Ky numër është rritur me 57,0%, krahasuar me të njëjtën periudhë të vitit 2022”,  vlerëson INSTAT.

Por numri më i lartë i hyrjeve në vendin tonë, i shtetasve shqiptarë dhe të huaj në territorin shqiptar është regjistruar në muajin Prill, me 1.161.729, një rritje prej 39,5% krahasuar me Prill 2022. Turistët e huaj që preferojnë më së shumti vendin tonë, sipas INSTAT janë 590.603 nga vendet e Evropës, pasuar nga Amerika me 14.012 turistë dhe Azia me 4.913 shtetas. Por tendencë rritje, nuk ka vetëm numri i turistëve që vijnë në Shqipëri, por dhe të shqiptarëve që po preferojnë destinacionet e huaja.

Në katër mujorin e parë të këtij viti, nga Shqipëria kanë dalë të huaj dhe shqiptarë, 1.957.678, duke u rritur me 30,3%, krahasuar me të njëjtën periudhë të një viti më parë. Ndërsa, vetëm për muajin prill të vitit 2023, nga Shqipëria kanë dalë 563.428 shtetas.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria në krah të Kosovës, nuk mbështet qëndrimin e BE-së: Si e gjykoni?

Lajme të tjera



×

Lajmi i fundit

Francë/ ‘Hipëm në kamion për të shkuar në Angli’, BBC ndihmon në shpëtimin e 6 emigrantëve të fshehur në kamionin frigoriferik

Francë/ ‘Hipëm në kamion për të shkuar në Angli’, BBC ndihmon në shpëtimin e 6 emigrantëve të fshehur në kamionin frigoriferik

28 Shtator, 09:41