POP 5

Lajmet më të lexuara të 5 minutave të fundit

Ekonomi

INSTAT: Çmimet u rritën 5% më shumë në muajin korrik, rritje më të madhe pësuan ushqimet dhe ‘argëtimi’

Mallrat dhe shërbimet për argëtim dhe kulturë u kanë kushtuar shqiptarëve gati 11 për qind më shtrenjtë gjatë muajit korrik, duke u pasuar nga ushqimet dhe pijet jo alkoolike me 9.2 përqind. INSTAT publikoi të dhënat zyrtare duke përllogaritur rritjen e çmimeve në 5 për qind ku ulje ka shënuar vetëm grupi i transportit.

Instituti i Statistikave publikoi të dhënat zyrtare sipas të cilave çmimet u rritën me 5% në muajin korrik. Rritja më e madhe prej 10,8 % është vërejtur në grupin “Argëtim dhe kulturë”, pasuar nga grupet “Ushqime dhe pije joalkoolike” me 9,2 %. Sezoni veror dhe fluksi i turistëve si duket kanë patur ndikimet e veta në shtrenjtimin e këtyre kostove.

Rritja e çmimeve vërehet në grupin “Mobilim, pajisje shtëpie dhe mirëmbajtje” me 6,2 %, “Hotele, kafene dhe restorante” me 4,5 %, “Veshje dhe këpucë” me 4,3 %, “Mallra dhe shërbime të ndryshme” me 4,0 %, “Pije alkoolike dhe duhan” me 3,5 %, “Shërbimi arsimor” me 2,1 %, “Shëndeti” me 1,7 %, “Qira, ujë, lëndë djegëse dhe energji” me 1,1 % dhe “Komunikimi” me 1,0 %. Ndërkohë, çmimet e grupit “Transporti” u ulën me 7,1 %.

Sa i përket kontributit të grupeve, ndikimin më të madh e ka patur grupi “Ushqime dhe pije joalkolike” me 3.14 pikë përqindje, pasuar nga grupi “Argëtim dhe Kulturë” me 0.74 pikë përqindje. Kontribut negativ ka dhënë vetëm grupi “Transporti” me 0.64 pikë përqindje.

Në krahasim me vendet e tjera të Europës, norma vjetore e rritjes së çmimeve në vendin tonë prej 5% në korrik rezulton të jetë e 11-ta më e ulët mes vendeve të BE-së, dhe nën mesataren e unionit, e cila fiksohet pranë 6.1%. Turqia dhe Hungaria vijojnë të raportohen si vendet me rritjen më të lartë të çmimeve në Europë, prej 48% dhe 17.5% përkatësisht, pasuar nga Serbia me 12.4%.  

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce