Integrimi Evropian në fokus të bisedimeve në Forumin ekonomik në Shkup! Osmani: Anëtarësimi objekt transformimi, jo transaksionesh

Një nga temat më të diskutuar në forumin e ditës së sotme ishte edhe integrimi evropian dhe fakti që për Maqedoninë e Veriut dhe Shqipërinë nuk u arrit të përcaktohej një datë për mbajtjen e Konferencës së Parë Ndërqeveritare.

Ministri i jashtëm Maqedonas Bujar Osmani shprehu zhgënjimin që nuk u arrit të përcaktohej data, pasi sipas tij vendi I kishte plotësuar të gjitha standardet.

‘ integrimi nuk është një proces transaksionesh është një objekt transformimi. E ardhmja jonë është në Bashkimin Evropian” tha Osmani në fjalën e tij.

Ministrja e Ekonomisë dhe Financave e Shqipërisë Anila Denaj, theksoi se për Shqipërinë pavarësisht se nuk u përcaktua data, përpjekjet vazhdojnë.

“Ne nuk kemi humbur. Ne jemi optimist, kjo është mënyra sesi funksionin procesi. Ne do të vazhdojmë me reformat tona. Ne kemi udhëtimin tonë. Ne nivelin teknik ne po punojmë të afrojmë sa më shumë të jetë e mundur legjislacionin tonë me legjislacionin e BE”, tha Denaj.

Të zhgënjyer nga vendimi i BE-së , u shprehën edhe trupa diplomatike në Maqedoninë e Veriut.

“ Mbetëm të dëshpëruar që vendet anëtare të BE-së nuk arritën që të miratojnë kornizën negociuese në mbledhjen e djeshme, por nuk ka dyshim se vendet kanë përmbushur detyrat e domosdoshme për hapjen e bisedimeve  me Bashkimin Evropian”  u shpreh ambasadorja e SHBA-së në Shkup, Kate Marie Bërns.

Ndërkohë që ambasadori grek  në Shkup u shpreh se bashkëpunimi rajonal është tejet i rëndësishëm dhe se ata vazhdojnë të mbështesin integrimin në BE të fqinjëve të tyre. 

Lajmi kryesor:

Forumi Ekonomik në Maqedoninë e Veriut, merr pjesë edhe Rama! Zaev: Thelbi i suksesit ekonomik, krijimi i korridoreve të gjelbra në Ballkanin Perëndimor

TAG:
• shkup
• zoran zaev
• Maqedoni e Veriut