POP 5

Lajmet më të lexuara të 5 minutave të fundit

Politikë

Integrimi i Shqipërisë dhe Maqedonisë, PE miraton 2 raporte, i kërkon BE-së të nisë bisedimet

Parlamenti Europian i ka i bërë kërkesë Këshillit që të hapë negociatat për anëtarësimin në BE të Shqipërisë dhe Maqedoninë e Veriut. PE ka miratuar 2 raporte dhe i kërkon BE-së që të nisë bisedimet.

Integrimi i Shqipërisë dhe Maqedonisë, PE miraton 2 raporte, i kërkon BE-së të nisë bisedimet

Raporti për Shqipërinë i votuar në PE

Parlamenti Europian i ka i bërë kërkesë Këshillit që të hapë negociatat për anëtarësimin në BE të Shqipërisë dhe Maqedoninë e Veriut. 

Në dy raportet e miratuara, ku i kërkohet BE-së që të nisë bisedimet, vlerësohet progresi i Shqipërisë dhe Maqedonisë së Veriut në rrugën drejt anëtarësimit në BE. Parlamenti i kërkon Këshillit të nisë zyrtarisht negociatat e anëtarësimit duke vënë në dukje kontekstin gjeostrategjik të marrëdhënieve me Rusinë dhe agresionin kundër Ukrainës.

“Edhe pse të dyja vendet kanë përmbushur kushtet e vendosura nga Këshilli Evropian dhe kanë dhënë rezultate të qëndrueshme, Këshilli nuk ka hapur ende negociatat e anëtarësimit me ta”, thonë eurodeputetët. Eurodeputetët inkurajojnë gjithashtu Bullgarinë dhe Maqedoninë e Veriut që të zgjidhin mosmarrëveshjen e tyre veçmas në mënyrë që të mos ndikojë në procesin e anëtarësimit të Maqedonisë së Veriut në BE.

Shqipëria, një partner strategjik i besueshëm dhe i përkushtuar

Eurodeputetët vlerësojnë angazhimin e palëkundur të Shqipërisë për integrimin evropian dhe shprehin mbështetjen e tyre të qartë për transformimin demokratik të vendit dhe aspiratën për anëtarësim në BE. Ata i kërkojnë Shqipërisë të ketë prioritet drejtësinë që të funksionojë në mënyrën e duhur, të forcojë demokracinë, shtetin e së drejtës dhe ekonominë.

Gjithashtu thekson se në Shqipëri duhet të fuqizohet shoqëria civile, të vijojë lufta ndaj korrupsionit dhe krimit të organizuar, të sigurojë lirinë e medias dhe të garantojë mbrojtjen e të drejtave të pakicave, duke përfshirë komunitetin LGBTQI.

Raportuesja e PE për Shqipërinë Isabel Santos tha: “Shqipëria mbetet një partner strategjik plotësisht i besueshëm dhe i përkushtuar. Ajo vazhdon të ecë përpara me reformat themelore të BE-së, po përmbush dhe ruan kushtet për fillimin e bisedimeve të anëtarësimit. Është e drejtë që Këshilli më në fund të pranojë të hapë negociatat e vonuara me Shqipërinë.”

Raporti u miratua me 519 vota pro, 52 kundër dhe 28 abstenime.

Maqedonia e Veriut - Rekordi më i mirë i tranzicionit demokratik në të gjithë rajonin e Ballkanit Perëndimor

Parlamenti vlerëson përpjekjet e vazhdueshme të Maqedonisë së Veriut për të forcuar sundimin e ligjit, pavarësinë e drejtësisë, luftën kundër korrupsionit dhe krimit të organizuar, reformimin e administratës së saj publike dhe konsolidimin e lirisë së medias.

Raporti gjithashtu vuri në dukje rreziqet e rritjes së varësisë ekonomike dhe energjetike nga Kina dhe Rusia. Gjithashtu paralajmëron se varësia nga kreditë e investimeve të financuara nga Kina rrit cenueshmërinë e rajonit.

Raportuesi Ilhan Kyuchyuk tha: “Maqedonia e Veriut demonstroi rekordin më të mirë të tranzicionit demokratik në të gjithë rajonin e Ballkanit Perëndimor dhe është plotësisht në linjë me politikën e jashtme të BE-së përballë agresionit rus kundër Ukrainës. Duke pasur parasysh kontekstin më të gjerë gjeostrategjik dhe se vendi ka dhënë rezultate të qëndrueshme, ne bëjmë thirrje që negociatat e anëtarësimit të vonuara të fillojnë zyrtarisht. Unë mirëpres angazhimin pozitiv për zgjidhjen e çështjeve dypalëshe në pritje dhe i bëj thirrje Bullgarisë dhe Maqedonisë së Veriut që të gjejnë menjëherë një zgjidhje të pranueshme.”

Raporti u miratua me 508 vota pro, 56 kundër dhe 35 abstenime.

Rendit zhvillimet sipas orarit:
Ora 18:40
PE i kërkoi BE-së të nisë hapjen e negociatave për Shqipërinë, ministrja e Jashtme përshëndet vendimin: Koha të tregojmë vizionin strategjik

Ministrja e Jashtme, Olta Xhaçka ka shprehur mirënjohjen ndaj parlamentit Europian për kërkesën e bërë ndaj Këshillit për hapjen e negociatave për anëtarësimin e Shqipërisë në BE.

“Mirënjohëse parlamenti Europian për Rezoluta për Shqipërinë, e miratuar sot me shumicë dërrmuese, me vlerësim të lartë të orientimit strategjik të Shqipërisë dhe angazhimit të palëkundur ndaj BE. Përshëndes thirrjen e qartë kristal për hapjen e vonuar të negociatave të anëtarësimit të Shqipërisë në BE. Është koha për të treguar vizionin strategjik dhe njohjen e meritës.”, shkruan Xhaçka.

J.GJ./Shqiptarja.com

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça