‘S’duhet të shpikim rrotën’, Gonzato: Reforma në drejtësi të jetë e pakthyeshme! Shqipëria, mundësi historike për t’u bërë anëtare e BE

Ambasadori i delegacionit të BE në Shqipëri, Silvio Gonzato thotë se integrimi i Shqipërisë dhe Ballkanit Perëndimor është në krye të përparësive të unionin. Në një takim të organizuar nga Kuvendi “Shqipëria 2030 në BE”, Gonzato tha se Shqipëria ka një mundësi historike para, për t’u bërë pjesë e BE. Gonzato theksoi se reforma në drejtësi duhet të jetë e pakthyeshme.

Integrimi i Ballkanit në BE mbetet në krye të përparësive të BE në të ardhmen e afërt. Udhëheqje e re që ka marrë detyrën më 1 dhjetor e rikonfirmoi mjaft qartë. Ribashkimi i Evropës është bërë pjesë përbërëse e vizonit për një Europë më të sigurt, qëndrueshme dhe të begatë. Procesi bazohet në meritë dhe se demokracia e sundimi i ligjit do të mbeten shtylla e tij. Nëse kandidatët do japin rezultate, BE do jetë aty.

Shqipëria ka një mundësi historike para, perspektiva e vendit tuaj për tu bërë anëtarë të BE është reale. Institucionet kanë përgjegjësi të mobilizojnë të gjitha burimet për të ecur para në mënyrë vendimtare. Dy muaj më parë çelëm bisedimet për grupkapitullin e themeloreve. Kjo nënkupton se institucionet shqiptare duhet të japin rezultate për një grup reformash që përbëjnë shtyllën për integrimin në BE. Pas një viti shpenzuar me autoritet shqiptare, duke analizuar kuadrin ligjor, BE ka përcaktuar qartë se kush janë reformat që udhën arritur në këto fusha.

LEXO EDHE:
Kthupi në ‘Repolitix’: Berisha e Rama kërkojnë të minojnë reformën në drejtësi! Çaça: SPAK në rrezik nga politika

Fokusi kryesor është që Shqipëria t’i zbatojë këto angazhime, kjo është ajo që BE dhe shtetet anëtare presin, e vetmja mënyrë për të arritur afatet ambicioze. Ka dy pika, së pari nuk është proces ku plotësojmë disa kuti.

BE monitoron progresin s’sheh vetëm miratimin, por nëse reformat janë ekzekutuar. BE dhe shtetet anëtare duhet të kenë një ndjesi të qartë se reformat nuk janë vetëm pjesë e kuadrit ligjor të Shqipërisë. Nga këndvështrimi ynë është thelbësore që rekomandimet të jenë të përputhje me raportin e monitorimit dhe angazhimet në kuadrin e BE. S’kemi nevojë të shpikim rrotën nga e para, rruga është e qartë, ja pse ne kemi ngarkuar ekspertët nga projektet tona të asistencës. Sa i përket sektorit të drejtësisë parimi udhëheqës duhet të jetë pakthyeshmëria e reformës në drejtësi e sidomos e arkitekturës së saj institucionale. Të vijojë të forcojë pavarësinë e magjistratëve për të konsoliduar llogaridhënien.

Reformat kërkojnë diskutime të pjekura politike mes palëve, konsultime me shoqërinë civile. Parlamenti ka rol kritik në anëtarësimin në BE, forumi i debatit poltik por edhe rolin mbikëqyrës të qeverisë. Rruga është e qartë, na duhet së bashku të mbetemi të përqendruar.

Parimi udhëheqës duhet të jetë pakthyeshmëria e reformës në drejtësi. Shqipëria është angazhuar qartë të forcojë pavarësinë e magjistratëve dhe sistemi prokurorisë e gjyqësor për të konsoliduar llogaridhënien në të gjitha nivelet. Është thelbësore që ekuilibrat institucionalë ekzistues dhe ndarja e pushteteve të garantohen plotësisht.

Mirëpres miratimin e strategjisë kundër korrupsionit dhe jam krenar që kemi ndihmuar. Ata mund të mbështeten në shumicën dërrmuese të qytetarëve shqiptarë, ku është proces mbarëshoqëror, transformues.

Lajmi kryesor:

Rama: 6 muaj sulme sikur unë e Xhafaj kishim plan të errët për të bllokuar SPAK, s'presim opozitën për të shkuar para! Gonzato: Reforma në drejtësi të jetë e pakthyeshme

SI.E./Shqiptarja.com

TAG:
• komision i posacem antikorrupsion
• elisa spiropali
• integrimi ne be
• BE
• reforma ne drejtesi
• korrupsion
• Silvio Gonzato
• edi rama