POP 5

Lajmet më të lexuara të 5 minutave të fundit

Sport

Inter prenoton Marash Kumbullën, Verona gati të lëshojë mbrojtësin e kombëtares shqiptare

Mbrojtësi i kombëtares shqiptare Marash Kumbulla është objektiv i Interit për merkaton e verës.

Marash Kumbulla ka shumë gjasa që në merkaton e verës të bëhet zikaltër. Mediat në Itali shkruajnë se Interi i Antonio Conte-s ka parakaluar Napolin për sigurimin e shërbimeve të mbrojtësit shqiptar, i cili më tetë shkurt mbush 20 vjeç.

Sipas raportimeve të ‘Sky Sport’ në krahasim me Napolin, Interi ka lëvizur gurin vendimtar për të fituar ankandin. Vetë klubi i Verona-s ka lënë një korsi preferenciale për zikaltërit, por vendimtare do të jetë ajo që do të ndodhë me talentin Frederico Dimarco, i cili do të lëvizë në krahë të kundërt.

Talenti në pronësi të Interit kërkohet të blihet përfundimisht nga Verona, në mënyrë që më pak këta të fundit të hapin plotësisht krahun për Kumbullën. Te zikaltërit futbollisti i kombëtares shqiptare shihet si një futbollist i perspektivës, aq më shumë kur te Verona luan në mbrojtjen me tre, njëjtë si skema e Conte-s te Interi.

Marash Kumbulla është një prodhim i akademisë së Verona-s, ndërsa këtë sezon ka fituar vendin e titullarit, por për shkak dëmtimesh është aktivizuar në 12 ndeshje në të gjithë kompeticionet, teksa ka shënuar edhe një gol në ‘Seria A’. Ndërkohë me Shqipërinë 19-vjeçari është aktivizuar vetëm në një ndeshje, atë të tetorit të fituar 4-0 kundër Moldavisë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça