POP 5

Lajmet më të lexuara të 5 minutave të fundit

Sport

Interi nuk ngre kokë, Torino e frenon në barazim, Real merr kryesimin e La Ligas

Interi nuk ngre kokë. Zikaltërit frenohen në një barazim 2-2 nga Torino në “San Siro”. Ishte një Inter me dy fytyra që dominoi dhe fitoi 2-0 pjesën e parë por miqtë barazuan në fraksionin e dytë. Real Madrid merr kryesimin në Spanjë
Interi nuk ngre kokë, Torino e frenon në barazim, Real merr kryesimin e La Ligas

Ndeshja Inter-Torino

Dy ndeshje dhe asnjë fitore. Ky është starti jo i mirë i Interit në këtë edicion të Serisë A. Pas humbjes një javë më parë me Sassuolon zikaltërit barazojnë 2-2 me Torinon në “San Siro” duke bërë që trepikëshi t’u rrëshqasë nga duart.

Ka qënë një Inter me dy fytyra pasi ka dominuar pjesën e pare dhe ka bërë vetvrasje në të dytën. Ivan Perisic dhe De Vrij i dhanë avantazhin e dyfishtë skuadrës së Spalletit në 45 minutat e para.

Interi ishte shumë i bukur në pjesën e parë por fiket në fraksionin e dytë ku Torino arrin të barazojë. Sulmuesi Andrea Belotti në minutën e 55-të dhe Meite në të 68-tën vulosin shifrat përfundimtare Inter-Torino 2-2.Zikaltërit nuk arrijnë dot të ringrihen dhe ndodhen që tani 5 pikë larg kreut. Java e dytë e Serisë A mbyllet sonte me Roma-Atalanta.

Bale duke shënuar golin e dytë

Në La Liga kryesimin e merr Real Madrid. Skuadra e Julen Lopetegui ka fituar me goleadë ndaj Girona 4-1 në transfertë dhe me 6 pikë pas dy javëve të para ndodhet në vend të parë. Vendasit trembin Realin me golin e Borja Garcia por një gol me penallti i kapitenit Sergio Ramos bën që pjesa e parë të mbyllet 1-1. Në fraksionin e dytë Karim Benzema i jep avantazhin madrilenëve me një tjetër penallti në minutën e 52-të ndërsa kur kishte kaluar një orë lojë shënon një gol të bukur edhe uellsiani Gareth Bale. 10 minuta nga fundi francezi Benzema shënon golin e dytë personal dhe të katërtin për Realin. Girona-Real mbyllet 1-4

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Balla takon Presidentin e Emirateve të Bashkuara Arabe, Muhammed Bin Zayed Al Nahyan: Zgjerim i bashkëpunimit në fushat e policisë dhe sigurisë

Balla takon Presidentin e Emirateve të Bashkuara Arabe, Muhammed Bin Zayed Al Nahyan: Zgjerim i bashkëpunimit në fushat e policisë dhe sigurisë

24 Prill, 20:18