POP 5

Lajmet më të lexuara të 5 minutave të fundit

Sport

Interi pëson humbje në Sardenjë, Champions në rrezik

Gjithçka u vendos në pjesën e parë. Fillimisht kapiteni Cepitelli i vodhi kohën kroatit Perisic dhe me një goditje të saktë me kokë la të shtangur Handanovic.

Interi pëson humbje në Sardenjë, Champions në rrezik

Interi vë në diskutim jo vetëm vendin e 3-të por edhe kualifikimin në Champions League për sezonin e ardhshëm. Pasi panë t'ju hiqeshin dy pikë nga gjyqtari në transfertën ndaj Fiorentinës, zikaltrit të rënduar psikologjikisht nuk arritën të ngrinin kokë në Sardenjë përballë Cagliarit madje u mposhtën me rezultatin 2-1, duke pësuar humbjen e parë pa Icardin në formacion në këtë sezon. Gjithçka u vendos në pjesën e parë. Fillimisht kapiteni Cepitelli i vodhi kohën kroatit Perisic dhe me një goditje të saktë me kokë la të shtangur Handanovic.

Gjithsesi 7 minuta më vonë në të 38-ën, Lautaro Martinez barazoi shifrat duke realizuar sërish ndaj Cagliarit në këtë sezon. Krosim perfekt i Nainggolan me sulmuesin e talentuar argjentinas që me kokë ia kaloi topin poshtë këmbëve portierit Cragno. Por në pushimin mes dy pjesëve Cagliari shkoi në avantazh pasi në të 43-ën, Pavoletti me një goditje fluturimthi pas një krosimi të kroatit Dario Srna, mposhti sërish Handanovic, madje duke djegur në kohë si Skriniar ashtu edhe De Vrij.

Në pjesën e dytë, Interi dominoi por nuk mundi dot të gjente të paktën një gol për të mos dalë i mundur nga kjo sfidë. Lautaro u ndal nga shtylla ndërkohë raste të arta shpërdoruan 3 të ardhurit nga stoli Borja Valero, Ranocchia dhe Candreva. Në shtesë Cagliari fitoi një 11-metërsh por Barella e çoi topin mbi traversë, gjithsesi në Sardegna Arena gjithçka u mbyll me fitoren 2-1 të Cagliarit që mori tre pikë jetike në garën për mbijetesë ndërkohë që Rolando Maran pas 6 humbjeve mposhti për herë të parë në karrierë Luciano Spallettin. Në rast fitoresh të Milanit dhe Romës këtë të shtunë, Interi mund të rrëshkasë nga vendi i 3-të në të 5-in.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

27 Nëntor, 22:41