Fenomeni i vetëhelmimit me fostoksinë po kthehet në një problem gjithnjë e më shqetësues. Report TV bëri një vëzhgim në kryeqytet, ku konstatoi se ky produkt me veti helmuese shitet hapur në farmaci bujqësore, edhe nëse nuk ke një recetë apo kualifikimin e duhur për përdorimin e tyre.
Bedrie Loka, 41-vjeçarja, i dha fund jetës duke pirë fostoksinë, një akt i rëndë që prokuroria po e heton si pasojë të dhunës të përsëritur në familje nga bashkëshorti, sot në burg. Nëna e 4 fëmijëve nuk është e vetmja. Shumë akte të rënda vetëvrasjeje kryhen duke konsumuar fostoksinë.
Por çfarë është fostoksina dhe si tregtohet në Shqipëri?
Substanca ka veti të larta helmuese, dhe tregtohet në farmaci bujqësore. Preparati që përdoret për bujqësi bëhet edhe më toksik në prani të dritës. Nëse një njeri e konsumon, i shkakton vdekjen, e për mjekët toksikologë është e pamundur të shpëtojnë jetën e të helmuarve për shkak të shpejtësisë së veprimit të këtij preparati.
Ligji për mbrojtjen e bimëve e ndalon shitjen e fostoksinën pa një recetë, kryesisht nga agronomi, apo pa pasur një dëshmi aftësie të veçantë për përdorimin.
Por si është zbatimi i tij në terren?
Report Tv bëri një investigim në disa farmaci bujqësore në Tiranë.
Gazetarit tonë iu desh të sajojë nevojën për fostoksinë për disa thasë më fasule për të blerë 5 kokrra fostoksinë, 50 lekë secila.
Gazetari: Më tha im atë i duhen nja 100 gramë fotoksinë sepse kemi një si gjysmë dhome si bodrum, dhe ka futur fasule, bimë mjekësore, dhe i duheshin.
Tregtari: Duhet të mos kesh fëmijë në shtëpi. Për 3 javë të mos hapet fare! Është me kokrra, sa do?
Gazetari: Një kokërr sa lekë kushton?
Tregtari: 50 lekë. Duhet një kokërr për çdo thes 50 kg.
Gazetari: Më jep 5 kokrra.
Tregtari: Të ketë kujdes! Mos të ketë fëmijë dhe 3 javë të mbyllet dhoma!
Pra me vetëm 250 lekë të rinj, mund të blesh vdekjen.
Tregtari: Këto dalin dhe kryejnë punë...urdhëro!
Ky rast nuk është i veçuar. Report Tv iu drejtua një tjetër farmacie bujqësore në Tiranë. Farmacisti nuk kërkoi as recetën nga agronomi dhe as dëshminë e veçantë.
Tregtari: Ajo maksimumi gjysmë ore duhet të shkojë të përdoret sepse duhet të dali nga ambalazhi vetë. Nëse ti nuk e realizon këtë kohë unë nuk mund ta jap, sepse të shkrin dhe të bën namin në autobus, a në makinë a ku të jesh.
Gazetari: Nuk ke me çfarë m’i mbështjell 3 kokrra të iki unë?
Tregtari: Kam, me plastmas, do t’i fus në qese plastmasi dhe duhet të nxitosh!
Neni 20 i ligjit 105 “për mbrojtjen e bimëve” e përcakton qartë se: “Në njësitë e tregtimit me pakicë ndalohet ndalohet tregtimi i produkteve helmuese të mbrojtjes së bimëve, siç është fostoksina, te personat, që nuk janë të pajisur me dëshmi aftësie.
Farmacitë bujqësore sipas ligjit duhet të jenë të licencuara për të treguar fostoksinën dhe askush nuk e shet me recetë të lëshuar nga specialist.
Sipas ligjit, me propozim të Autoritetit Kombëtar të Ushqimit, ministri i Bujqësisë, mund të revokojë licencën në rastet kur shkelen detyrimet dhe kur ka rrezik serioz për shëndetin publik dhe “është e nevojshme e urgjente marrja e masave parandaluese.'
Komente
Lajme të tjera
-
Ish-ministri i Shëndetësisë: Të hiqet fostoksina nga qarkullimi, është nxitëse për vetëvrasjen! Mjekja: Të jepet me recetë
11 Janar, 14:34 -
Vetëvrasja e nënës së 4 fëmijëve në Durrës, Loka do të arratisej, iu gjet arma në kotecin e pulave
10 Janar, 19:24 -
Vetëvrasja e 41 vjeçares në Durrës/ E bija i kërkonte të atit Xhemal Loka t'i jepte fund dhunës: Ti kur rref mamin s'na do as ne
10 Janar, 11:37 -
Pamjet e dhunës ndaj Bedries nga i shoqi, eksperti i sigurisë Softa: Jo konflikt i zakonshëm, por ferr për të ndjerën! Gazetari Dema: Ka edhe dy video të tjera
8 Janar, 18:16 -
VIDEO EKSKLUZIVE/ Momenti kur Xhemal Loka dhunon e kërcënon bashkëshorten që kreu vetëvrasje! Djali i vogël e filmoi, tjetri përpiqet ta ndalojë
8 Janar, 17:37 -
Durrës/ E ëma i dha fund jetës me fotoksinë, dëshmitë tronditëse të fëmijëve të mitur: Babi e rrihte me grushta e shkelma! I thoshte do të bëj të vrasësh veten
8 Janar, 16:36 -
Denigrimi në rrjetet sociale, Malaj: Të krijohen mekanizma mbrojtëse! Lekatari: Duhet hapësirë ligjore për të drejtat digjitale! Kallanxhi: Mbyllja e profileve në Tik-Tok kërkon kohë
8 Janar, 16:07 -
'Qepe mami', zbardhet biseda e Bedire Lokës me të bijën pak para vetëvrasjes! Letra e dashurisë nga një franceze që e tronditi psikologjikisht
8 Janar, 13:16 -
Vetëvrasja e nënës së 4 fëmijëve në Durrës, gjykata lë në burg burrin! Prokuroria: Ushtronte sistematikisht dhunë psikologjike e fizike
8 Janar, 10:44 -
Vetëvrasja e 41-vjeçares, u gjet me shenja jete në dhomën e ndenjës, vdiq një ditë më vonë në spital! Burrit i gjejnë video kërcënuese në celular
7 Janar, 10:11
-
Denigrimi në rrjetet sociale, shqetësim serioz për shoqërinë! Eksperti i IT: Videot të raportohen në platformë! Psikologia: Askush s’është imun
6 Janar, 21:47
-
Nëna e vetëvrarë në Durrës punonte në kompaninë e saj, reagon Zaimina Vasjari: Ishte një nga punëtoret më të shkëlqyera
6 Janar, 16:28
Pse vetem fostoksina shkakton vdekje?! Ka 100 produkte qe shkaktojne vdekje,qe nga detergjentet per larje,te hapesit e tubave te lavamaneve e vaskave kur bllokohen e deri te disa lloj kerpudhash dhe disa perime po t'i hash te pagatuara si palltixhani,disa bime si oleandro,tulipani,etj,merkuri i termometrave e deri disa lloj vitaminash e ilacesh te rendomta,ne dukje e normalisht te parrezikshme por qe sigurisht te dergojne ne boten tjeter,po morre mbidoze.Kush ka vendosur t'i jape fund jetes e gjen menyren.
Përgjigju