POP 5

Lajmet më të lexuara të 5 minutave të fundit

Politikë

Investimi i OSHEE-së në Mollas, Rama: Për herë të fundit u vu dorë në kohën e elektrifikimit

Kryeministri Edi Rama, së bashku me deputetin e Qarkut të Elbasanit, Taulant Balla panë nga afër punimet që po kryhen nga OSHEE, të cilat pritet të përfundojnë brenda 3 muajve.

Investimi i OSHEE-së në Mollas, Rama: Për herë të fundit u vu dorë në kohën e elektrifikimit

OSHEE ka nisur investimin për ndërtimin e kabinave ajrore dhe rrjetit të ri të tensionit të ulët, me vlerë 125 milionë lekë në Njësinë Administrative Mollas, Cërrik. Ndërhyrja me këtë projekt nga ana e OSHEE-së ishte e domosdoshme në kushtet e një rrjeti tejet të amortizuar, ndërtuar që në vitin 1967, i cili nuk garantonte më furnizim të qëndrueshëm me energji elektrike. Kryeministri Edi Rama, së bashku me deputetin e Qarkut të Elbasanit, Taulant Balla panë nga afër punimet që po kryhen nga OSHEE, të cilat pritet të përfundojnë brenda 3 muajve.

“Kjo është një zonë që i ka munguar energjia elektrike, pavarësisht se paguan rregullisht energjinë, por besoj me këtë investim që po sjell OSHEE-ja, tashmë do i qëndrojmë angazhimit që kemi marrë ndaj kësaj zone,” u shpreh deputeti Balla. “Investimi këtu është bërë që në 1967-ën dhe janë 125 milion lekë të reja që investon OSHEE-ja për rikonstruktimin e 20 kabinave dhe ndërtimin e 3 kabinave të reja ajrore, i gjithë sistemi ABC i tensionit të ulët. Përfshin njësinë administrative Mollas, Rrajcë, Papër dhe fshatrat përreth. Ky investim mbaron për 3 muaj,” u shpreh kreu i OSHEE-së, Ardian Çela.  Nga ana tjetër ai shtoi se OSHEE po kryen edhe disa investime të tjera mjaft të rëndësishme për këtë qark.

“Njëkohësisht jemi duke investuar 130 milion lekë të reja në Bashkinë e Cërrikut për aksin Cërrik-Elbasan, ku përfitojnë rreth 10 mijë banorë. Kemi dhe dy investime në proces. Për herë të parë preket qyteti i Përrenjasit, i cili s’është prekur asnjëherë me një investim, rreth 40 milionë lekë të reja dhe kemi aksin tjetër Cërrik-Dopaj, që është 120 milion lekë të reja. Vetëm në Qarkun e Elbasanit janë 167 projekte që kemi investuar në këto 4 vite,” deklaroi Çela.

Kryeministri Rama tha se i gjithë ky transformim në rrjetin e energjisë elektrike erdhi si rezultat i reformës së ndërmarrë nga qeveria në këtë sektor.  “Deri përpara pak vitesh as bëhej fjalë për të imagjinuar që do kishte investime në rrjetin e energjisë elektrike, sepse këtu investimi i fundit është bërë kur është elektrifikuar vendi, në 1967-ën. U desh reforma, u deshën edhe sakrificat e shumë familjeve që të paguanin detyrimet e papaguara dhe pak nga pak të fillojmë të ndryshojmë komplet gjithë rrugën e të ardhmes,” tha ndër të tjera Kryeministri Rama. Brenda sezonit të verës banorët e zonave përfituese të projektit do të kenë më në fund cilësi të lartë të furnizimit me energji elektrike, garanci kjo edhe për zhvillimin bujqësor dhe blegtoral të zonës. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58