Ish-ambasadorja britanike në Tiranë merr detyrën e re, sekretare private e çiftit mbretëror

Britani e Madhe- Fiona Mcilwham, ish-ambasadorja britanike në Tiranë, do të jetë sekretarja private e princit anglez Harry dhe bashkëshortes së tij, aktores së njohur Meghan Marcle. Sipas medias britanike, posti i sekretares private është  posti më  i lartë për një zyrtar, pranë çiftit mbretëror, që njihen si princi dhe dukesha e Sussex-it. Fiona Mcilwham zëvëndëson në këtë post Samantha Cohen. 

 Pas përfundimit të mandatit në Shqipëri, Fiona Mcilwham ka shërbyer në Ministrinë e Jashtme britanike, Foreign Office në drejtorinë për Ballkanin. Televizioni britanik ITV,  thotë se ajo ka marrë përgjegjësi shumë të madhe për t’u bërë sekretarja private e çiftit më të famshëm në botë. Çifit mbretëror është çdo ditë në vëmendje të medias, e cila kritikon dhe nxjerr në pah anët pozitive të çiftit mbretëror. Ditët e fundit, media britanike lëshoi kritika të shumta për princin Harry dhe bashkëshorten, të cilët përdorën një avion privat që doli se ishte paguar nga këngëtari Elton John.

Muajt e fundit, Princi dhe Dukesha e Sussex janë përballur me disa largime të stafit. Kjo ka prodhuar disa shkrime sidomos në gazetat tabloid të cilat shkruajnë se Harry dhe Meghan i kanë të vështira marrëdhëniet me këshilltarët e tyre. Sipas  televizionit ITV,  janë të shumtë njerzit të cilët dëshirojnë që zonja Fiona Mcilwham të jetë e suksesshme në detyrën që ka marrë dhe  kjo do të varet nga marrëdhënia e saj me Harryn dhe Meghan.

Foto e ish-ambasadores Mcilwham me Bamir Topin në Tiranë

TAG:
• princi Harry
• Fiona Mcilwham
• sekretare private
• ish-ambasadore