POP 5

Lajmet më të lexuara të 5 minutave të fundit

Bota

Ish-kryeministri holandez dhe bashkëshortja shuhen dorë për dorë, vdesin nga eutanazia

Dries van Agt, kryeministri kristian demokrat i Holandës nga viti 1977 deri në vitin 1982, ka vdekur nga eutanazia, ‘dora për dore’ së bashku me gruan e tij, sipas organizatës për të Drejtat e Njeriut që ai themeloi. Të dy ishin 93 vjeç

Ish-kryeministri holandez dhe bashkëshortja shuhen dorë për dorë, vdesin nga eutanazia

Dries van Agt dhe gruaja

HOLANDË- Dries van Agt, kryeministri kristian demokrat i Holandës nga viti 1977 deri në vitin 1982, ka vdekur nga eutanazia, ‘dora për dore’ së bashku me gruan e tij, sipas organizatës për të Drejtat e Njeriut që ai themeloi. Të dy ishin 93 vjeç.

Lajmi u bë publik të premten nga Forumi i të Drejtave, i cili tha se çifti vdiq të hënën dhe do të varrosej në një ceremoni private në qytetin lindor të Nijmegen.

"Ai vdiq dorë për dore me gruan e tij të dashur Eugenie van Agt-Krekelberg, e cila ishte mbështetja e tij për më shumë se 70 vjet", thuhej në deklaratë.

Çifti ishte në një gjendje të rënduar shëndetësore prej kohësh. Në vitin 2019, Van Agt pësoi një hemorragji në tru, teksa mbante një fjalim në një ngjarje përkujtimore për palestinezët dhe nuk u shërua kurrë plotësisht.

Van Agt drejtoi qeverinë holandeze nga viti 1977 deri në vitin 1982.

Kryeministri holandez Mark Rutte, e cilësoi Van Agt si “stër-stërgjyshin e tij në detyrë”.

“Me gjuhën unike, bindjet e tij të qarta dhe prezantimin e mrekullueshëm, Dries van Agt i dha ngjyrë dhe substancë politikës holandeze në një kohë polarizimi dhe rinovimi partiak”, tha Rutte në një deklaratë.

Van Agt njihej për gjuhën e pasur dhe pasionin për çiklizmin. Ai u detyrua ta linte këtë hobi në vitin 2019, pasi u rrëzua.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze