POP 5

Lajmet më të lexuara të 5 minutave të fundit

Ishte caktuar të luhej me Rusinë, Shqipëria zyrtarizon miqësoren më 13 qershor! 3 ndeshje për 8 ditë

Në muajin qershor do jenë tre ndeshje për kombëtaren.

Ishte caktuar të luhej me Rusinë, Shqipëria zyrtarizon miqësoren më 13 qershor! 3 ndeshje për 8 ditë

Futbollistët e kombëtares

Më 13 qershor kombëtarja shqiptare do të zhvillojë një ndeshje miqësore me Estoninë në stadiumin ‘Air Albania’. Sfida do të luhet në orën 18:00 dhe zëvendëson ndeshjen e Ligës së Kombeve që kuqezinjtë duhet të luanin kundër Rusisë, por kjo e fundit është pezulluar nga FIFA dhe UEFA.

Po në qershor Shqipëria do të luajë më 6 qershor me Islandën në transfertë dhe më 10 qershor me Izraelin në shtëpi, që të dyja sfida të vlefshme për Nation League.

Kjo do të jetë hera e katërt që Shqipëria dhe Estonia do të përballen në një ndeshje futbolli. Në të kaluarën të dy përfaqësueset janë ndeshur tre herë me njëra-tjetrën, në të tre rastet për ndeshje miqësore.

Sfida e parë Shqipëri-Estoni është luajtur më 15 nëntor 2003 në Tiranë dhe u fitua nga kuqezinjtë me rezultatin 2-0. Golat u shënuan nga Adrian Aliaj dhe Alban Bushi.

Përballja e dytë është ajo e 28 prillit e luajtur në Talin të Estonisë dhe përfundoi në barazim 1-1. Goli për Shqipërinë u shënua nga Adrian Aliaj. Ndërsa sfida e tretë Estoni-Shqipëri është zhvilluar më 14 nëntor 2009 dhe ka përfunduar në barazim 0-0. Edhe kjo miqësore u luajt po në Talin.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16