ROMË - Që nga fillimi i dhjetorit, Italia ka dëbuar nëntë persona të dyshuar si xhihadistë si edhe ka publikuar një listë me emrat edhe të rreth 100 personave të tjerë të konsideruar të afërt me lëvizjet ekstremiste islamike, deklaroi sot ministri i Brendshëm italian, Angelino Alfano.
"Pesë tunizianë, një turk, një egjiptian, një maroken dhe një pakistanez janë dëbuar nga vendi", deklaroi Alfano gjatë një konference shtypi.
"Dëbime të tjera do të pasojnë", theksoi ai.
Alfano shtoi se rreth 100 persona po mbahen nën mbikëqyrje me dyshimin se kanë treguar simpati për aktivitetet terroriste dhe xhihadiste./ATSH/