Në një tjetër operacion të përbashkët mes policisë shqiptare dhe asaj italiane janë sekuestruar 761 kg kanabis e paketuar me destinacion tregun fqinj.
 
Pas sinjalizimit nga Policia Shqiptare, Guardia Di Finanza në Bari është vendosur në lëvizje për interceptuar mjetin lundrues të ngarkuar me lëndë narkotike, i cili u lokalizua pas 3 orësh ndjekje duke u kapur 10 milje afër Sant Andreas në Lecce.
 
Gomonia ishte rreth 8 metra e gjatë e pajisur me motorë të fuqishëm për lundrim, ndërsa kishte 761 kg kanabis të paketuar.
 
Policia italiane arrestoi një shqiptar 29 vjeç me inicialet E.M. nga Vlora, si dhe një shtetas italian, ndërkohë që vijon puna për arrestimin e personave të tjerë që janë të përfshirë në trafik.

[gallery]20102[/gallery]

dy.b/shqiptarja.com