ITALI – Napolitano thërritet si dëshmitar në një proces kundër mafias

ROME - Presidenti i Republikës Italiane, Giorgio Napolitano, do të dëgjohet si dëshmitar në një proces mbi marrëveshje sekrete mes shtetit dhe mafias, sipas një vendimi të marrë sot nga Gjykata Penale e Palermos, në Siçili.
"Mora sot vendimin e Gjykatës Penale. Nuk kam asnjë vështirësi që të dëshmoj sa më shpejt të jetë e mundur", njoftoi Napolitano, në një komunikatë të shkurtër për shtyp.
"Data e kësaj audience ende nuk është vendosur, por kjo do të vendoset në pallatin 'Quirinal',  selia e presidencës", sipas medias.
Napolitano, një personalitet shumë i respektuar në Itali, kishte garantuar në tetor 2013 në një letër drejtuar gjykatës se nuk ka asgjë për të thënë mbi këtë çështje por se është gati të dëshmojë.
Procesi i hapur në maj 2013 në Palermo, ka të bëjë me dyshime mbi negociata sekrete mes përgjegjësve qeveritarë dhe krerëve të mafias në fillim të viteve 1990 për të evituar hetimet mbi një seri atentatesh të përgjakshme./ATSH/