Policia italiane e qytetit të Modikës në Raguza ka ekzekutuar në orët e para të mëngjesit të sotëm një operacion antidrogë, i cili ka çuar në shkatërrimin e një bande trafikantësh përbërë nga shtetas shqiptarë, italianë e tunizinë.

Gjatë operacionit u arrestuan 17 persona.Banda akuzohet për trafikim ndërkombëtar të lëndëve narkotike.Sipas hetimeve të arrestuarit, kontrollonin trafikimin e drogës në tërë territorin e provincës së Raguzës. Droga  sipas mediave italiane mendohet se vinte nga Shqipëria.

Gjatë operacionit u përfshinë 150 forca, 70 makina,1 helikopter,12 anëtare të policisë shkencore dhe 14 pjesëtar të repartit kriminal.

Shqiptarët e arrestuar
Julian Hoxha
Erisa Gjonaj
Algert Selmani
Xhediljan Selmani
 
Italianët
Martina Chiaramonte
Carmelo Baglieri
Giorgio Selvagio
Giorgio Assenza
Lorenza Salonia
Mery Salonia
 
Tunizianët
Dakhil Majri
Justyna Wudarczyk
Fadëa Chaggar

Operacioni i sotëm erdhi si rezultat i një hetimi të nisur që në vitin 2012 e nisur nga Prokuroria e Modikes e koordinuar edhe me prokurorinë e antimafias në Katania.
 
Hoxha ishte kapoja e grupit ndërsa shqiptari tjetër Algert Selmani merrej me trasportin dhe shpërndarjen e lëndës narkotike.

Shqiptarja Erisa Gjonaj e cila bashkëjetonte me Hoxhën ishte dhe bashkëpunëtorja e tij më e ngushtë në trafikimin e lëndës narkotike.
 
Autoritetet bënë publike edhe disa biseda të përgjuara ku pasqyrohet mënyra sesi grupi komunikonte mes tyre. 
 
Shpesh herë ata përdornin kode duke e quajtur lëndën narkotike sheqer, CD apo duke e krahasuar drogën me pjesët e makinës.

banda italo shqiptare

Redaksia Online
(e.m/dy.b/Shqiptarja.com)