Tre persona, përfshirë një shqiptar 29-vjeçar, kanë përfunduar në pranga, teksa karabinierët në Foggia kanë zbuluar një laborator droge. Shqiptari i arrestuar quhet Tefik Lecini, banues në Barile, ndërsa të tjerët janë i zoti i ndërtesës ku është ngritur laboratori, Massimo Bruno, 47 vjeç, dhe një grua rumune, Mirabela Ciocodan, 30-vjeçare.

Në laborator janë zbuluar  620 gramë heroinë e pastër, e cila, sipas tabelave, do të ndahej në në 906 doza, plus një sasi tjetër e papërgatirur ende, gjithsej rreth dy kile e gjysmë, me të cilën mund të arrihej në 2515 doza.

Mediat italiane shkruajnë se gjykata e Foggias ka lënë në burg dy burrat, ndërsa gruaja, nënë e dy fëmijëve të vegjël, është lënë në arrest shtëpie, në pritje të procesit gjyqësor.

Redaksia Online
e.m/Shqiptarja.com