Italia në finalen e EURO 2020, reagimet e pas sfidës! Mancini me sytë nga trofeu: Kemi një finale për të fituar! Luis Enrique 'thumbon': Të kaltrit mezi prisnin penalltitë

Italia më pak spektakolare e turneut siguroi kalimin për në finalen e Euro 2020. Të kaltrit arritën finalen e katërt të një kampionati evropian ku dy të fundit i kanë humbur. Spanjën e mposhtën vetëm pas penalltive dhe madje duke vuajtur shumë por në kampin e Italisë janë gjithsesi në qiellin e shtatë për arritjen e finales. Trajneri Roberto Mancini që ka meritën e ndërtimit të skuadrës dhe rekordit me 33 ndeshje pa humbje i gëzohet arritjes në finale: “ Merita është e gjitha e futbollistëve pasi besuan që në fillim por ende nuk ka mbaruar. Spanja është një skuadër e madhe, mjeshtre e mbajtjes së topit dhe ishte një ndeshje shumë e vështirë. Tani duhet të rikuperojmë forcat pasi kemi një finale për të fituar” e mbyll tekniku i “të kaltërve”. Federico Chiesa ishte autori i golit të italianëve dhe u shpall si lojtari i ndeshjes. Në konferencë futbollisti i Juventusit i lumtur ka thënë: “Jemi një skuadër e madhe ,Spanja na e bëri të vështirë por qëndruam skuadër e të bashkuar deri në fund” Për mbrojtësin Bonucci sfida ndaj “furive të kuqe” ishte më e vështira e gjithë karrierës së tij.

Spanja zhvilloi ndeshjen më të mirë në Euro 2020 por këtë herë tek penalltitë nuk u buzëqeshi fati. Në kampin e iberikëve janë të mërzitur për eliminimin por krenar me paraqitjen që bënë. Kapiteni Busquets thotë se finalen e meritonte Spanja ndërsa trajneri Luis Enrique pranon rezultatin dhe komplimenton Italinë dhe nënvizon: “Të gjithë janë krenar për këtë kombetare të cilën e vlerësoj me notën 9. Pedri është një lojtar fantastik madje edhe më i mirë se Iniesta kur ishte 18 vjeç.Kemi bërë një Europian të madh dhe kemi qenë superior. Në kohët shtesë Italia mezi priste të shkonte tek penalltitë” e mbyll trajneri i spanjollëve. Morata u bë lojtari spanjoll me më shumë golat në finalet e Europianëve me 6 duke kaluar Torres.

 

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Nga 'tkurrja' e kërkesave të opozitës te hetimet e SPAK, ndiqni sonte në 21.00 Frontline në Report Tv

Nga 'tkurrja' e kërkesave të opozitës te hetimet e SPAK, ndiqni sonte në 21.00 Frontline në Report Tv