Mes të prekurve me koronavirus në Itali për fat të keq është edhe një foshnje 4 muajshe e një familje shqiptare që jeton në shtetin fqinj, në Codogno, qyteti i pacientit zero. Babai i fëmijës, Luan Sulejmani në një lidhje me Skype nga Italia për emisionin Repolitix tha se foshnja është në gjendje të mirë pas mjekimit që mori në spital, ndërsa kishte një apel për shqiptarët.
"Para disa ditësh, fëmija kishte temperaturë. Mora ambulancën e cila erdhi me vonesë. Doli që djali kishte koronavirus. Unë jetoj në pallatin ku është zbuluar pacienti i parë në Itali. Nuk kemi qenë kontakt të drejtpërdrejt me të, por në ashensor, etj dhe dikush e ka marrë dhe transmetuar. Në Itali deri tani nëse një person nuk ka simptoma nuk të bëjnë tamponet, duhet të jesh shumë rëndë.
Djalit ia bënë se ishte 4 muaj dhe dyshuan. Djali pas 5 ditësh është më mirë, ka bërë kurën e duhur. Kam edhe një vajzë, edhe ajo është mirë deri tani dhe ne si familje kemi qenë mirë. Mos u panikoni, por karantina kryen punë. Ka funksionuar. Qyteti im ku u shpërnda koronaviursi nuk ka më pacientë, funksion karantina" tha ai.
![](https://shqiptarja.com/template/img/NO_ALFA_Kuadrate shqiptarja.png)
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Karantina te ben pune por edhe ambulanca, spitali dhe kura e duhur kane bere te veten.
Përgjigju