Izolimi i fundjavës mbyll në shtëpi kuksianët, reduktohen lëvizjet në qytet

Mjetet e policisë së shtetit dhe automjetet e ushtrisë monitorojnë qytetin që nga mesdita e djeshme duke kufizuar në maksimum lëvizjet e makinave private dhe të qytetarëve, një pjesë e të cilëve ende i shikon orëve të mbrëmjes duke përshkuar xhiron e zakonshme të ecjeve sportive. Sot ka me pak lëvizje, kjo edhe për shkak të pa qëndrueshmërisë të motit dhe temperaturave te ulta në këtë fillim prilli. Qepenat e njësive të shërbimit dhe lokaleve qëndrojnë të mbyllura deri nesër në orën 5 të mëngjesit.

Gjithsesi kryeministri Rama paralajmëroi zgjatjen e fashës së orarit për qytetaret dhe njësite e shërbimit, por edhe shtrëngimin e masave deri në heqje lirie për ato që shkelin masat dhe daljet jashtë orarit të përcaktuar.

Lajmi kryesor:

Vëzhgimi i Report Tv në qarqe! Karantinë totale, të gjithë në shtëpi deri nesër në 05:00

Ne.k./b.ha./Shqiptarja.com

TAG:
• Kukes
• koronavirusi ne shqiperi