Izraeli vijon luftën e tij në të dy frontet, teksa ka shtyrë për më tej të tretin, betejën me Iranin, për shkak të rrjedhjes së planit operacional në media.
Gjashtëmbëdhjetë persona u vranë dhe 32 u plagosën në një sulm izraelit në një shkollë ditën e sotme (24 Tetor), në kampin e refugjatëve Nuseirat në Gaza.
Sipas spitalit Al Awda, cituar nga “Sky News”, viktimat përfshijnë edhe fëmijë.
Shkolla Al-Shuhada po u jepte strehë palestinezëve të zhvendosur, shkruan “La Repubblica”.
Mediat raportuan se Izraeli sulmoi gjithashtu Damaskun dhe Homsin në Siri, teksa një ushtar u vra dhe u plagosën 7 persona të tjerë.
“Ushtria izraelite filloi një sulm nga Golani i pushtuar sirian dhe Libani verior duke synuar dy vende në distriktin Kafr Sousa të Damaskut dhe një vendndodhje ushtarake pranë Homsit”, njoftoi agjencia zyrtare e lajmeve SANA, duke cituar një burim ushtarak.
Në këtë rajon IDF po lufton me grupin Hezbollah, që mbështetet nga Irani.
Edhe ushtria libaneze njoftoi sot se 3 ushtarë të saj janë vrarë nga zjarri izraelit i ditës së djeshme. Ushtria libaneze akuzoi Izraelin për vrasjen e tre ushtarëve.
Kurse një punonjës i Agjencisë së Kombeve të Bashkuara për Refugjatët Palestinez (UNRWA), vdiq pasi një raketë izraelite goditi një automjet të organizatës, dje (23 tetor) në Deir al-Balah, në qendër të Rripit të Gazës. Vetë OKB konfirmoi lajmin tragjik.
Në krahun tjetër, Presidenti i Francës, Emanuel Macron, kritikoi hapur kryeministrin izraelit Benjamin Netanyahu, duke i kërkuar publikisht "përfundimin e luftës sa më shpejt" dhe theksoi se ajo që po ndodhte nuk ishte qytetërim.
Konferenca e Parisit siguroi nga punimet e saj edhe 1 mld dollarë ndihma për Libanin, infrastrukturën, rindërtimin dhe ushtrinë.
Izraeli, njoftoi "The Times" në një artikull të fundit, ka shtyrë edhe planin e hakmarrjes ndaj Iranit, ku shkak u bë rrjedhja e informacioneve amerikane të Pentagonit në media, për strategjinë e sulmit.
Konferenca e Parisit për Libanin
Ministri i Jashtëm francez Jean-Noel Barrot tha se një konferencë ndërkombëtare në Paris në mbështetje të Libanit kishte mbledhur 800 milionë dollarë ndihmë humanitare dhe 200 milionë dollarë të tjera për ushtrinë e vendit.
Rreth 70 delegacione qeveritare dhe 15 organizata ndërkombëtare u takuan në Paris, me synimin për të mbledhur të paktën 500 milionë euro ndihmë humanitare dhe për të shtyrë për një armëpushim, por me Shtetet e Bashkuara, të fokusuar në përpjekjet e tyre, diplomatët thanë se prisnin pak përparim konkret.
Presidenti francez, Emanuel Macron, i bëri thirrje Tel Avivit dhe veçanërisht kryeministrit Benjamin Netanyahu, që të ndalonte menjëherë luftën në Liban dhe Gaza, duke e cilësuar si “barbari” dhe jo “qytetërim”.
Izraeli është detyruar të vonojë një sulm të mundshëm hakmarrës ndaj Iranit, pasi detajet e planifikimit dolën nga Pentagoni.
Këtë e raporton gazeta britanike “The Times”, duke cituar një burim inteligjence të njohur me vendimet izraelite. Një vendim i motivuar nga fakti se Izraeli është i shqetësuar se detajet e dhëna mund të ndihmojnë Iranin të parashikojë modele të caktuara sulmi, megjithëse asnjë objektiv i mundshëm nuk u emërua si autor i rrjedhjes.
Media britanike thekson se Izraeli ka zhvilluar një plan alternativ, por duhet të bëjë një simulim përpara se të vazhdojë.
“Rrjedhja e dokumenteve amerikane e vonoi sulmin për shkak të nevojës për të ndryshuar disa strategji dhe komponentë”, raportoi burimi anonim, duke theksuar se “do të ketë një hakmarrje, por u desh më shumë se sa pritej”.
Të shënuara tepër sekrete, dokumentet u shfaqën për herë të parë në internet të premten e kaluar në aplikacionin e mesazheve Telegram dhe u përhapën shpejt në kanalet Telegram të njohura në mesin e iranianëve. FBI po heton rrjedhjen”, shkruan “La Repubblica”.
Republika Islamike është duke u përgatitur për një hakmarrje izraelite pas sulmit të saj të fundit të drejtpërdrejtë ndaj Izraelit, në të cilin gjuajti 200 raketa balistike, që detyruan shumicën e izraelitëve të strehoheshin në strehimoret e bombave më 1 Tetor.
Irani tha se sulmi me raketa erdhi si përgjigje ndaj sulmeve në Liban që vranë udhëheqësit kryesorë të grupit Hezbollah.
Lajme të tjera
-
Planet e administratës Trump për t’i dhënë fund luftës në Gazë
25 Dhjetor, 16:49 -
'Dorëzoni armët, ose do groposeni me to', Erdogan paralajmëron rebelët kurdë në Siri
25 Dhjetor, 15:50 -
Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare
25 Dhjetor, 14:16 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Refugjatët sirianë në Evropë dhe kthimi i tyre në Siri
24 Dhjetor, 16:42 -
Britanisë i kërkohet të mos lejojë gruan e Bashar al-Assad të shkojë në Londër
24 Dhjetor, 15:23 -
Protesta në kryeqytetin e Sirisë, shkak djegia e pemës së Krishtlindjes (VIDEO)
24 Dhjetor, 12:54 -
Autoritetet e reja të Sirisë të hapura për hetimin e krimeve të Assadit
24 Dhjetor, 08:26 -
Kremlini hedh poshtë raportimet se gruaja e Assadit ka kërkuar divorc
23 Dhjetor, 18:38 -
Agjentët e Mossad-it zbulojnë detaje nga operacioni i shpërthimit të pajisjeve të komunikimit të Hezbollahut
23 Dhjetor, 16:45 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52
