Liban- Izraeli kreu një sulm ajror gjatë natës, mes 29 dhe 30 Shtatorit, pranë kryqëzimit Kola, në qendër të Bejrutit. Ky ishte edhe bombardimi i parë në zemër të kryeqytetit libanez, kurse objektiv u bë një godinë banimi. Bilanci paraprak është 4 të vrarë dhe disa të plagosur.
Këtë e raporton “The Guardian”, duke specifikuar se është hera e parë që Izraeli ka goditur Bejrutin jashtë periferive jugore që nga fillimi i luftës. Zhurma e shpërthimit u dëgjua në të gjithë qytetin.
Kalimi Kola është një pikë referimi popullore në Bejrut, ku taksitë dhe autobusët mblidhen për të marrë pasagjerët. Pamjet e para të bastisjes tregojnë dy kate të një pallati të shkatërruar plotësisht. Deri më tani, Izraeli i kishte kufizuar sulmet e tij në kryeqytetin e Libanit në periferitë e tij jugore, shkruan "La Repubblica". Mes të vrarëve sipas IDF-së, janë edhe 3 drejtues të Frontit Çlirimtar të Palestinës.
Një dron izraelit qëlloi edhe mbi një grup njerëzish në kryqëzimin e qyteteve Arzoun dhe Chehour në rrethin Tire, të Libanit jugor. Tre persona kanë mbetur të vdekur dhe një i plagosur. Kështu shkruan Al Jazeera.
Kurse sipas raporteve të lajmeve lokale, të paktën pesë persona u vranë pas sulmeve izraelite në qytetin Sahmar, në luginën perëndimore Bekaa. Të gjitha vdekjet i përkisnin personelit të mbrojtjes civile të Autoritetit Shëndetësor Islamik.
Presidenti iranian Masoud Pezeshkian ishte në zyrën përfaqësuese të Hezbollahut në Teheran për të shprehur zyrtarisht ngushëllimet për vdekjen e liderit të lëvizjes shiite libaneze Hassan Nasrallah, në një bastisje izraelite.
Po sot, kryeministri rus Mikhail Mishustin ka mbërritur në Teheran, për të takuar presidentin iranian Masoud Pezeshkian.
Nga vizita e kryeministrit rus në Iran
Presidenti iranian Masoud Pezeshkian ishte në zyrën përfaqësuese të Hezbollahut në Teheran për të shprehur zyrtarisht ngushëllimet për vdekjen e liderit të lëvizjes shiite libaneze Hassan Nasrallah, në një bastisje izraelite.
Lajmi është bërë i ditur nga agjencia iraniane IRNA.
“Bota duhet ta dijë se gjaku i dëshmorit fisnik Sejed Hassan Nasrallah dhe shokëve të tij do të vazhdojë të vlojë dhe të qëndrojë kundër shtypjes dhe tiranisë”, tha Pezeshkian, i cili u takua me shefin e zyrës së Hezbollahut, Abdullah Safiuddin.
Dje (29 Shtator), një ceremoni përkujtimore tre-ditore për Nasrallah filloi në zyrën e Hezbollahut në Teheran.
Kurse kryeministri rus Mikhail Mishustin ka mbërritur në Teheran për të takuar presidentin iranian Masoud Pezeshkian. Këtë e raporton Isna. Mishustin ka planifikuar gjithashtu një takim me nënpresidentin iranian, Mohammad Reza Aref, dhe po viziton Iranin i shoqëruar nga disa sipërmarrës dhe drejtues rusë.
Sipas zëdhënësit të Ministrisë së Jashtme iraniane Nasser Kanani, bisedimet do të fokusohen në koordinimin midis Moskës dhe Teheranit, në lidhje me planet e tyre ekonomike dhe tregtare dhe një diskutim mbi një dokument bashkëpunimi strategjik midis Rusisë dhe Iranit është në rendin e ditës.
Naim Qassem, numri dy i Hezbollah, në deklaratën publike sot
Liban- Hezbollahu është gati, nëse Izraeli ndërmerr inkursionin për pushtimin nga toka të territorëve të Libanit.
Ky ishte qëndrimi publik që mbajti sot (30 Shtator), numri dy i organizatës ushtarake të lidhur me Iranin, dy ditë pas vrasjes nga bombardimet ajrore të IDF-së në Bejrut të Libanit, të liderit Hassan Nasrallah (27-28 Shtator).
"Nëse izraelitët duan të kryejnë një inkursion tokësor në Liban, forcat e rezistencës janë gati. Ne jemi të përgatitur dhe gati. Armiku izraelit nuk do t'i arrijë objektivat e tij", tha Naim Qassem, Zëvendëssekretari i Përgjithshëm i Hezbollahut, në një fjalim publik, i pari që nga vrasja e Hassan Nasrallah. “Ne do të ecim përpara me rrugën tonë kundër Izraelit”, shtoi ai.
Në video-mesazhin e parë, Qassem, premtoi se do të vazhdojë betejën.
"Ne nuk do të lëvizim nga pozicionet tona. Ne do të vazhdojmë të përballemi me armikun izraelit dhe të mbështesim Gazën dhe Palestinën", tha ai.
Më tej akuzoi edhe SHBA-të si mbështetëse të masakrës së Izraelit:
“Ata mbështesin masakrat e Izraelit, pa kushte. Ne do të vazhdojmë pavarësisht sulmeve me pager, sulmet ndaj liderëve dhe vrasja e Nasrallahut”.
Kurse për vrasjen e liderit ai tha se "grupi ka humbur një vëlla, një udhëheqës".
Nga bombardimet në Bejrut
Tre nga viktimat e bastisjes së kryer mbrëmë (29 Shtator) nga Izraeli, në qendër të Bejrutit, janë të liderëve të Frontit Popullor për Çlirimin e Palestinës.
Organizata i identifikoi tre viktimat si: Muhammad Abdel Aal, i njohur gjithashtu si Abu Ghazi, anëtar i byrosë politike të PFLP dhe kreu i departamentit të sigurisë ushtarake.
Imad Odeh, i njohur gjithashtu si Abu Ziad, anëtar i departamentit ushtarak të PFLP dhe komandant ushtarak në Liban.
Abdul Rahman Abdel Aal, i përshkruar vetëm si një "shok martir hero".
Në fundjavë, mes natës së 27-28 Shtatorit, IDF hodhi 80 bomba në një prej lagjeve të Bejrutit, ku ndodhej baza e Hezbollah, duke vrarë dhjetëra persona, mes tyre edhe kreu e lëvizjes Hezbollah, Hassan Nasrallah, vdekja e të cilit tashmë është konfirmuar, pas gjetjes së trupit nën rrënoja ditën e djeshme (29 Shtator).
Izraeli nuk i ka ndalur bombardimet, deri në zemër të Bejrutit, duke shkaktuar të paktën 12 viktima në orët e fundit.
Komente
Lajme të tjera
-
Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit
27 Nëntor, 07:26 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
-
Netanyahu: Po armëpushimit në Liban, nëse Hezbollah shkel marrëveshjen ne do e godasim! Biden: Hyn në fuqi nesër
26 Nëntor, 07:16 -
Cilat janë pengesat për arritjen e armëpushimit mes Izraelit dhe Hezbollahut?
25 Nëntor, 22:54 -
Lufta/ Bombardime mes Izraelit dhe Hezbollahut, 16 të vrarë dhe dhjetëra të plagosur! 20 raketa nga Libani drejt Galilesë, Hamas: Mbi 44 të vdekur në 13 muaj
25 Nëntor, 13:54 -
Media: Biden dhe Macron do të shpallin armëpushimin në Liban nesër! Lideri Suprem i Iranit: Netanyahu dhe ministri i tij duhet të dënohen me vdekje
25 Nëntor, 08:12 -
Televizioni publik izraelit: Marrëveshja për armëpushim në Liban është gati! Gjendet i pajetë në Abu Dhabi një rabin! Arrestohen 3 persona si të dyshuar për vrasjen e tij
24 Nëntor, 07:55 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
Ju e kruajtet vete ore çun nga mendja,Izrali nje kafshate ju ka.Nuk behet lufta me belçike e kallash.
Përgjigju