Ja 60 kryebashkiakët e rinj
fitojnë 44 të majtë, 15 të djathtë

Ndërkohë vijon numërimi në Malësi të Madhe dhe Shkodër ku kandidatja e majtë, Keti Bazhdari ka pranuar humbjen.

Bashkite e fituara nga ASHE 
1- Bashkia Tirane - Erion Veliaj
2- Bashkia Durrës - Vangjush Dako
3. Bashkia Tepelenë  - Tërmet Peçi
4. Bashkia Sarandë -  Florjana Koka
5. Bashkia Korcë - Sotiraq Filo
6. Bashkia Maliq - Gëzim Topçiu
7. Bashkia Divjake - Fredi Kokoneshi
8. Bashkia Gramsh - Luljeta Dollani
9. Bashkia Peqin - Saimir Hasalla
10. Bashkia Belsh - Arif Tafani
11. Bashkia Urë Vajgurore - Juliana Memaj
12. Bashkia Poliçan - Adriatik Zotkaj
13. Bashkia Roskovec - Majlinda Bufi
14. Bashkia Konispol - Shuaip Beqiri
15. Bashkia Mirditë - Ndrec Dedaj
16. Bashkia Fushë-Arëz - Fran Tuci
17. Bashkia Libohovë - Luiza Mandi
18. Bashkia Kolonjë - Arben Malo
19. Bashkia Pukë - Gjon Gjonaj
20. Bashkia Delvinë - Rigels Balili
21. Bashkia Skrapar - Nesim Spahiu
22. Bashkia Has - Adem Lala
23. Bashkia Pustec - Edmond Themelko
24. Bashkia Këlcyrë - Klement Ndoni
25. Bashkia Cërrik - Altin Toska
26. Bashkia Kurbin - Artur Bardhi
27. Bashkia Rrogozhine - Beqir Nuredini
28. bashkia Librazhd – Kastriot Gurra
29. Bashkia Lushnje - Fatos Tushe
30. Bashkia Memaliaj - Durim Roshi
31. Bashkia Fier - Armando Subashi
32. Bashkia Elbasan - Qazim Sejdini
33. Bashkia Patos - Rajmonda Balilaj
34. Bashkia Gjirokaster - Zamira Rami
35. Bashkia Prrenjas - Miranda Rira
36. Bashkia Shijak - Ardian Kokomani
37. Bashkia Kucove - Selfo Kapllani
38. Bashkia Bulqize - Melaim Damzi
39. Bashkia Vlore - Dritan Leli
40. Bashkia Diber - Shukri Xhelili
41. Bashkia Kavaje - Elvis Rroshi
42. Bashkia Kruje- Artur Bushi
43. Bashkia Berat - Petrit Sina
44. Bashkia Himarë - Jorgo Goro

Bashkite e fituara nga APPD 

1. Bashkia Vau i Dejës - Zef Hila
2. Bashkia Pogradec - Eduart Kapri
3. Bashkia Vorë - Fiqiri Ismaili
4. Bashkia Mat - Nezir Rizvani
5. Bashkia Selenice - Përparim Shametaj
6. Bashkia Klos - Basir Çupa
7. Bashkia Përmet - Niko Shupuli 
8. Bashkia Tropojë - Besnik Dushaj
9. Bashkia Mallakastër - Agron Kapllanaj
10. Bashkia Dropull - Arqile Deçka
11. Bashkia Kukes - Bashkim Shehu
12. Bashkia Devoll - Bledjon Nallbati
13. Bashkia Lezhe - Fran Frrokaj
14. Bashkia Kamzes - Xhelal Mziu
15. Bashkia Shkodër - Voltana Ademi

Të tjera
1. Bashkia Finiq - Leonidha Hristo i partise MEGA (Minoriteti Etnik Grek për të Ardhmen)

Përfundimi i procesit minutë pas minute 

Ora 21:05 Shkodër, Voltana Ademi drejt fitores, Bazhdari pranon humbjen 
Ende pa përfunduar numërimi i votave, Voltana Ademi duke se është fituesja e përballjes për Shkodrën.

Kanë qenë Kryeministri Rama dhe kandidatja e majtë për Shkodrën Keti Bazhdari të cilët kanë uruar Voltana Ademin e cila po shkon drejt fitores.

“Vullneti e deshi që unë të mos drejtoja Shkodrën. Uroj që Voltana Ademi të jetë e duhura, punë të mbarë” – tha gjatë një konference kandidatja e së majtës për Shkodrën Keti Bazhdari.

Ora 20:00 Berat mbyllet zyrtarisht votimi Petrit Sinaj shpallet fitues
Përfundon zyrtarisht numërimi në Berat, ku fitues është shpallur Petrit Sinaj me 19.022 vota ose 54,12 % përkundrejt kundërshtarit të tij Kasem Mahmutaj i cili ka marrë 16.125 vota 45,88%. Diferenca mes tyre ka qenë 2897 vota.



Ora 19:40 Dako zyrtarisht për herë të trejtë në krye të Durrësit 
Vangjush Dako zyrtarisht është rikonfirmuar si kryebashkiak i Durrësit duke pasur një diferencë të madhe votash me kandidaten e Partisë Demokratike, Grida Duma




 
Kështu Dako rikonfirmon mandatin për herë të tretë në krye të Bashkisë së Durrësit. Në këto zgjedhje Dako mori 55.972 vota ose 56.98 % përkundrejt 42.262  të votave ose 43.02% që mori kundërshtarja e saj Grida Duma duke pasur një diferencë prej 13.710 votave. 

Ora 18:40 Dako rikonfirmohet ne krye te Durresit
Kur kanë mbetur edhe 20 kuti të panumëruara, diferenca e thellë që kandidati i aleancës së majtë për Bashkinë e qytetit bregdetar të Durrësit me 13.229 vota në avantazh nuk mund të përmbysë rezultatin.


 
Kështu që Dako rikonfirmon mandatin për herë të tretë në krye të Bashkisë së Durrësit duke dalë fitues përballë kandidatës së demokratëve Grida Dumës.

Ora 13:50 Perfundon procesi ne Kamzes, fiton APPD
Xhelal Mziu ka marrë edhe një tjetër mandat për drejtimin e Bashkisë së Kamzës. Votat e qytetarëve të Kamzës i kanë dhënë mandatin e tretë Mziut, ndërsa në Kamëz festa e simpatizantëve të djathtë ka nisur prej mëngjesit, kur rezultati kishte krijuar një diferencë përballë kandidatit të majtë për këtë Bashki, Safet Gjicit.
 
Kryebashkiaku Mziu e ka ndjekur nga afër procesin e numërimit të votave, e me përmbylljen e këtij procesi dha një deklaratë për mediat ku shprehu emocionet e para të fitore. Mziu tha se në 4 vitet e mandatit të ri do të ketë bashkëpunim me qeverinë.
 
“Falenderoj qytetarët që më votëbesuan. Do mundohem maksimalisht që të realizoj premtimet, e konsideroj besueshmërinë e tyre përgjegjshmëri për menaxhimin e qytetit për 4 vitet që do të vijnë. Do ja dalim për ta bërë më bashkëpunuese Kamzën. Jam i hapur për të gjetur mundësi siç është qeveria, donatorët e huaj e të tjerë, për të bërë më të mirën për qytetin”, u shpreh Mziu. 





Ora 13:40 Perfundon procesi ne Berat, fiton ASHEE
Petrit Sinaj, kandidati i aleancës së majtë do të jetë kryebashkiaku i ri qytetit të Beratit për katër vitet e ardhshme. Ai ka mundur me 55.18 për qind të votave në garën e 21 qershorit kandidatin e së djathtës Kasëm Mahmutaj i cili mori 44.2 për qind të votave.


 
Ky është rezultati që vjen nga 120 kuti të numëruara nga 124 që kishte në total në Berat,. Kjo pasi 4 kuti janë kontestuar nga komisionerët e djathtë për parregullsi me vulat dhe procesverbalet, të cilat do të dërgohen në KQZ për të marrë më tej një vendim. 

Ora 10:20 Përfundon procesi në Krujë, fiton ASHE
Artur Bushi është kryebashkiaku i ri i Krujës. Kandidati i Aleancës për Shqipërinë Evropiane u shpall fitues me një diferencë prej 3088 votash përballë kandidatit të së djathtës Hamdi Pasha. Ky i fundit mundi të marrë 15.274 vota ose rreth 45.41 % të tyre, ndërsa Bushi mori fitoren me 18.362 vota, ose 54.59 % të totalit të votave përmes të cilave qytetarët shprehën vullnetin në zgjedhjet e së dielës. 



Ora 07:20 Përfundon procesi në Kavajë, fiton ASHE
Elvis Rroshi rikonfirmohet kryetar i Bashkisë së Kavajës. Me një diferencë të theksuar votash prej 7076 të tilla, Rroshi, të cilën aleanca e majtë e kandidoi për një mandat të dytë, fitoi para Ëngjëll Carës të propozuar nga të djathtët. Kandidati i Aleancës Popullore për Punë dhe Dinjitet mori 36.39 % të votave (9 464 vota) përballë 16 540 votave të Rroshit. 



Ora 00:50 Ilir Krosi bie pas 3 mandatesh, Dibrën e merr e majta
Dibra është një tjetër bastion i djathtë i cili “thyhet” në këto zgjedhje dhe fitohet nga të majtët. Pas 3 mandateve nën drejtimin e Ilir Krosit, Dibra do të ketë kryebashkiakun e ri Shukri Xhelilin. Kandidati i së majtës udhëhoqi me 434 vota me shume se kandidati i djathte. (Shukri Xhelili mori 15022 vota, ndërsa Ilir krosi 14588 vota). E majta në këtë bashki ka nisur festimet.


 
Në garë për Bashkinë e Dibrës ishin 5 kandidatë, Ilir Bulku i pavarur, Dik Spata i PBDNJ-së dhe Zaim Korsi i partisë Aleanca Popullore dhe Ilir Krosi i PD-se me Xhelilin qe u shpall fitues. 

Ora 22:55 Përfundon procesi në Vlorë, fiton ASHE
Dritan Leli është kryetari i ri i Bashkisë së Vlorës. Kandidati i Aleancës për Shqipërinë Evropiane me profesion mjek fitoi bindshëm përballë kandidatit të djathtë për bashkinë e qytetit bregdetar. Ndërtuesi Genc Deromemaj mori vetëm 33 % të votave përballë 61 përqindëshit që garantoi Leli. Për Bashkinë e Vlorës ishte në garë edhe kandidati i pavarur Vasil Bedinaj i cili mundi të marrë vetëm rreth 6 % të votave.


 
Deputetja Valentina Leskaj e vlerësoi fitoren në Vlorë rezultat të mirëqeverisjes, ndërsa numrin e vogël të pjesmarrësve në votime, zonja Leskaj e lidhi me emigracionin dhe eksodin. Nga ana tjetër, sipas Leskajt, opozita ishte e dobët. “Më vjen keq, kemi një opozitë kaq të dobët. PD nuk mundi të përshtatej me të qenit në opozitë”, tha Leskaj.

Ora 22:40 Perfundon procesi ne Bulqize, fiton ASHEE
Melaim Damzi korr fitore ne Bulqize duke u zgjedhur kryetar Bashkie. Kandidati i se majtes ishte ne gare me kundershtarin e djathte Durim Balla. 



Ora 22:30 Perfundon procesi ne Kucove, fiton ASHEE
Selfo Kapllani shpallet fitues i Bashkisë së Kuçovës. Kandidati i Aleancës për Shqipërinë Evropiane mori rreth 57 % të votave përballë kundërshtarit të tij të djathtë Myslim Haxhi i cili mundi të marrë 42. 05 % të votave. 



Ora 22:17 Përfundon procesi në Shijak, fiton ASHE
Aleanca për Shqipërinë Evropiane ka fituar edhe Bashkinë e Shijakur. Kandidati i së majtës Ardian Kokomani u shpall fitues me 57. 5 % të votave, ndërsa përballë tij ishte kandidati i koalicionit të djathtë Redi Saraçi i cili mori 41. 1 % të votave. Në garë për bashkinë e Shijakut ishte edhe Mehmet Rakipi i cili kandidonte nën siglën e partisë Aleanca Popullore.



Ora 22:00 Përfundon procesi në Prrenjas, fiton ASHEE
Votat e qytetarëve të Prrenjasit kanë shpallur fituese Miranda Rirën, kandidaten e koalicionit të majtë e cila nga sot do të drejtojë Bashkinë e Përrenjasit. Rira mori rreth 60 % të votave, ndërsa kundërshtari i saj, kandidati i Aleancës Popullore për Punë dhe Dinjitet mori rreth 40 % Bajazit Karriqi të votave.


 
Ora 20:11 Perfundon procesi ne Lezhe, fiton APPD
Gara në Bashkinë e Lezhës ka shpallur fitues kandidatin e djathtë Fran Frrokaj me 55% të votave, kundrejt 45% të kandidatit të ASHE Viktor Tushaj.  Tushaj humbi bashkinë e Lezhës pas dy mandateve dhe nuk arriti të fitojë mandatin e tretë në këto zgjedhje vendore.  Gara mes dy kandidatëve të kësaj bashkie ishte mjaft e fortë dhe rezultati paraprak mes tyre ka qenë mjaft i ngushtë gjatë gjithë numërimit. Diferenca e fitores së Frrokaj vjen me 10%



Ora 20:10 Perfundon procesi ne Gjirokaster, fiton ASHEE
Zamira Rami është kryetarja e re e Bashkisë së Gjirokastër e shpallur fituese me rreth 2 mijë vota para përballë kandidatit të djathtë Igli Kokalari. 



Ora 20:04 Përfundon procesi në Patos, fiton ASHE
Rajmonda Balilaj është kryetarja e re e Bashkisë së Patosit. Kandidatja e Aleancës për Shqiëprinë Evropiane u shpall fituese me 61.8  % të votave përballë kandidatit të djathtë Luan Mustafaj i cili mundi të marrë 38. 2 %.



Ora 19:58 Përfundon procesi në Elbasan, fiton ASHE
Qazim Sejdini rikonfirmon një mandat të tretë në bashkinë e Elbasanit. Kandidati i aleancës së majtë mori 60.26 % të votave përballë 39.74 % që mundi të siguronte kandidati i koalicionit të djathtë Ardjan Turku.




Ora 19:38 Përfundon procesi në Fier, fiton ASHE
Armando Subashi shpallet kryetari i ri i Bashkisë së Fierit. Ish-deputeti socialist mundi të marrë rreth 55 % të votave përballë kandidatit të Aleancës Popullore për Punë dhe Dinjitet Enkelejd Alibeaj me rreth 40 %. Për bashkinë e Fierit garonte edhe Albert Çaçi i Partisë Social Demokrate, i cili ka marrë 6 % të votave. 





Ora 18:40 Përfundon numërimi në Lazarat, PD fiton me 1804 vota ndaj PS 
Ka përfunduar numërimi në Lazarat ku kryeson koalicioni i djathtë është në avantazh. Kujtojmë këtu se me ndarje e re administrative këto vota i llogariten bashkisë së madhe të Gjirokastrës e cila ende nuk ka një fitues pasi nuk ka përfunduar procesi i numërimit të votave 

Ora 18:58 Përfundon procesi në Memaliaj, fiton ASHE
Durim Roshi shpallet fitues për Bashkinë e Memaliajt. Kandidati i së majtës mundi të marrë 37.5 % të votave përballë 5 kandidatëve të tjerë që garuan për këtë bashki. Pas tij, radhitet kandidati i Partisë Social Demokrate Albert Malaj me 20.7 % të votave e më tej njëri pas tjetrit, Arjan Zeqaj, Sadik Xhelili i Aleancës Popullore për Punë dhe Dinjitet me vetëm 9.3 % të votave. Dy kandidatët e pavarur Orgen Hasanbega dhe Astrit Dervishi nuk kanë kaluar as në 9 % të votave.



Ora 18: 50 Përfundon procesi në Lushnje, fiton ASHEE
Edhe në rrethin e Lushnjes ka përfunduar procesi i numërimit të votave të qytetarëve që votuan më 21 Qershor. Fatos Tushe i koalicionit të majtë doli fitues me 25026 vota kundretj 22912 votave të kandidatit të djathtë Darien Xhindoli.



Në historikun e 25 viteve të demokracisë kjo është hera e parë që një kryetar bashkie konfirmohet sërish nga vota popullore duke marrë një mandatë të dytë.

Ora 18: 45 Përfundon procesi në Finiq, fiton ASHEE
Leonidha Hristo është zyrtarisht kryetari i Bashkisë së re të Finiqit. Kandidati i minoritetit etnik grek për të ardhmen gëzoi mbështetjen e aleancës së majtë dhe u shpall fitues në këtë bashki me 52.5 % të votave. Ndërkohë, kandidati i PBDNJ-së Jani Babi i cili me dorëheqjen e Lefter Karajanit, mori mbështjen e Partisë Demokratike. Jani Babi ka marrë 47.5 % të votave.



Ora 18:20 Përfundon procesi në Devoll, fiton APPD
Bledjon Nallbati i së djathtës fiton Bashkinë e Devollit. Nallbati u shpall fitues me mbi 50 % të votave, në një rezultat shumë të ngushtë me kandidatin e së majtës Kosta Qaja.



Ora 18:14 Përfundon procesi në Kukës, fiton APPD
Qytetarët e Kukësit kanë zgjedhur në krye të bashkisë Bashkim Shehun, kandidatin e Aleancës Popullore për Punë dhe Dinjitet i cili është shpallur fitues nga verdikti i 21 Qershorit. Përballë tij ishte kandidati i majtë i Aleancës për Shqipërinë Evropiane, Hasan Halilaj i cili ka marrë 44.05 % të votave prëballë 55.95 % që mori Shehu.Kryetari i ri i Bashkisë së Kukësit i APPD  i sapozgjedhur  ka falenderuar të gjithë kuksianët për votën e tyre duke theksuar se votuan kundër sharlatizmit keqqeverisjes mjerimit e varfërisë.




Falenderoj kuksianët që më mbështeten mua,do të jem shërbëtor i tyre, falenderoj të rinjtë.kukesianët votuan kundër sharlatizmit, kundër keqqeverisjes,kundër mjerimit dhe varferisë. Falenderoj qytetarët që nuk u larguan drej BE-së por zgjohen me alternativën tonë- u shpreh Shehu

 
Ora 18:05 Perfundon procesi ne Librazhd, fiton ASHEE
Kastriot Gurra do të jetë kryetari i ri i Bashkisë së Librazhdit. Kandidati i Alencës për Shqipërinë Evropiane u shpall fitues me mbi 65 % të votave përballë kandidatit të djathtë Fadil Brazhda me 27 % të vota. Për këtë bashki garonte edhe kandidati i partisë Aleanca Popullore i cili ka marrë rreth 8 % të votave.



Ora 18:00 Mbyllet procesi në Rrogozhinë, fiton ASHE
Nga sot drejtimin e bashkisë së Rrogozhinës do ta ketë Beqir Nuredini, i Aleancës për Shqipërinë Evropiane me rreth 7 mijë vota. Pas tij është kandidati i së djathtës Eqerem Deliu me mbi 5300 vota. Për këtë bashki garonte dhe kandidati i Partisë Arben Ajdini me rreth 250 vota. 



Ora 17:50 Përfundon procesi në Kurbin, fiton ASHE
Artur Bardhi i Aleancës për Shqipërinë Evropiane është shpallur fitues i bashkisë së Kurbinit.  Edhe pse u dorëhoq nga gara, kandidati i së djathtës votuesit duket se kanë shprehur vullnetin e tyre me votë për kandidatin Altin Biba, i cili ka marrë 2313 vota. 



Ora 17:45 Përfundon procesi i numërimit në Dropull, fiton APPD
Arqile Deçka, kandidati i Aleancës Popullore për Punë dhe Dinjitet fiton bashkinë e Dropullit.


Ora 17:40 Përfundon procesi në Cërrik, fiton ASHEE
Altin Toska është fituesi i Bashkisë së Cërrikut. Toska ka mundur të marrë më shumë vota se aknddiati i Aleancës Popullore për Punë dhe Dinjitet Qamil Boja.



Altin Toska i shpallur kryebashkiaku i ri i bashkisë së Cërrikut është shprehur i lumtur për fitoren e tij dhe ka vlerësuar procesin e numërimit dhe atë të votimit si akt qytetarie në një vend demokratik.Në një intervistë telefonike për A1 Report Toska tha se program i tij bëri të mundur fitoren dhe tani do të nisë puna për krijimin e skuadrës së punës. Kundërshtari tha ai mesa duket e ka pranuar humbjen dhe është i ndërgjegjshëm për këtë.




Ora 17:30 Përfundon procesi në Këlcyrë, fiton ASHE
Me 117 vota më shumë, Klemend Ndoni është shpallur kryebashkiak i Këlcyrës duke marrë 2397 vota nga qytetarët që shprehën vullnetin e tyre më 21 Qershor. Ndërkohë kandidati i pavarur Bujar Fezga i cili mori mbështetjen e PD-së pas dorëheqjes së kandidatit të propozuar prej tyre Altin Biba, mori 2280 vota.



Ora 17:23 Përfundon procesi në Mallakastër, fiton APPD
Agron Kapllanaj shpallet fitues i Bashkisë së Mallakastrës me 1750 vota më shumë ndaj kandidatit të majtë Shqyqyri Kapllani.
Agron Kapllanaj është shprehur mjaft i gëzuar për fitoren e tij në një intervistë të shkurtër telefonike për A1 Report  duke falenderuar zgjedhësit e Mallkastrës për këtë zgjedhje. Kapllanaj nuk la pa bërë kritika për fushatën e rivalit të tij edhe në entuziazmin e fitortes duke thënë se ai nuk ka bërë një fushatë të drejtë pasi ka përdorur gjithçka për ti bërë presion zgjedhësve.



Megjithatë ai është shprehur i gatshëm për bashkëpunuar me këdo që do të zgjidhet në këshillin bashkiak.




Ora 17:00 Përfundon procesi në Vaun e Dejës, fiton APPD
Me 2 mijë vota diferencë kandidati i partisë Demokratike Zef Hila ka fituar Bashkinë e Vaut të Dejës përballë kandidat të majtë Gjok Lleshi.
 
Zef Hila ka qenë 5 herë kryetar komune, 4 mandate prej të cilave në krye të komunës së Bushatit. Por nga sot do të jetë kryetar i Bashkisë së re të Vaut të Dejës.



 
Ora 16:16 Përfundon procesi në Tepelenë, fiton ASHE
Tërmet Peçi është kryetari i ri i bashkisë së Tepelenës i dalë fitues nga zgjedhjet e 21 Qershorit. Ai ka mundur të marrë 4016 vota, një rezultat i thellë ky përballë 1826 votave të Veip Çelës me të cilin aleanca e djathtë garonte në këto zgjedhje. Ndërkohë Dritan Memushi, kandidat i propozuar nga zgjedhësit ka marrë 1283 vota, një numër i përafërt ky me rezultatin që ka mundur të kapë kandidati i djathtë.



Ora 16:20 Përfundon procesi në Sarandë, fiton ASHE
Kandidatja e së majtës, Florjana Koka është shpallur fituesja e garës për Bashkinë e Sarandës. 



“Procesi ishte korret, i rregullt dhe i ndershëm. Alternativa jonë ishte më e mirë, falënderoj ata që besuan te projekti ynë”- u shpreh Koka për A1 Report.



Ora 15:57 Përfundon procesi në Pogradec, fiton APPD
Qyteti i Pogradecit do të drejtohet 4 vitet e ardhshme nga kandidati i djathtë në këto zgjedhje  Eduard Kapri, i cili ka marrë 17.388 vota përkundrejt 15.675 vota të marra nga kandidatja e ASHE, Diana Mile.



Kryebashkiaku i ri i Pogradecit Eduart Kapri në një lidhje telefonike për A1 Report është shprehur i kënaqur me rezultatin  e zgjedhjeve duke thënë se e priste fitoren dhe gjitashtu ka vlerësuar procesin e votimit dhe numërimit si mjaft të qytetarëruar.
Kapri tha se së bashku me të majtën kemi vetëm një qëllim të përbashkët të bëjmë më të mirën për banorët e Pogradecit dhe do të bashkëpunoj tha ai edhe me mazhorancën për të vënë në jëtë projektet e premtuara.



Ora 15:50 Drejt fundit procesi në Korçë, fiton ASHE
Ndërsa është ende edhe një kuti pa u hapur, Kandidati i majtë për Bashkinë e Korçës, Sotiraq Filo ka siguruar tashmë fitoren për të nisur mandatin e tij të dytë të plotë në drejtimin e këtij qyteti.7756 vota është diferenca në favor të kandidatit të ASHES ndërsa janë hapur deri në këto momente 163 kuti nga 164. Sotiraq Filo ka siguruar 25.235 vota ose 59.1 %, ndërsa kundërshtari i tij Gjergji Mero ka marrë vetëm  17479 vota.



Sotiraq Filo kryebshkiaku i  ri i shpallur nga votat e qytetit të Korçës është shprehur mjaft i emocionuar në një intervistë telefonike për A1 report për fitoren e tij. Filo kandidati i ASHE për Korcën tha se e majta dhe koalicioni i saj i ka arritur të gjitha pobjektivat e paracaktuara në këto zgjedhje. Filo tha se fitorja i lë vend premtimeve dhe ajo çka do të bëjë tani është ti mbajë ato duke theksuar se ajo çka është më e rëndësishme është ndarja e re administrative territorial dhe cdo përgjegjësi që duhet të merret në këtë drejtim. Kryebashkiaku i ri u shpreh për A1 Report se nuk ka patur ende kontakt me kundërshatrin por gjithaçka në komunikimin me të është në kufinjt e normalitetit. 



Ora 15:40 Përfundon procesi në Maliq, fiton ASHE
Kandidati i majtë, Gëzim Topçiu ka siguruar fitoren në Bashkinë e Maliqit kundër Xhevdet Belishtës të APPD. Topçiu mori 10955 vota, ndërsa Belishta mori 9590 vota.



Ora 14:35  Përfundon procesi në Divjakë, fiton ASHE
Kandidati i së majtës, Fredi Kokoneshi ka fituar në garën për Bashkinë e Divjakës, duke marrë 11.279 vota ose 54,81 % ndërkohë që kundështari i tij kaarritur të sigurojë vetëm 930 vota ose 45.19%.



Ora 13:25 Përfundon procesi në Gramsh, fiton ASHE
Mbyllet procesi i numërimit të votave të votave edhe në Bashkinë e Gramshit, ku fitues shpallet kandidati i Aleancës për Shqipërinë Europiane, Luljeta Dollani me 2.764 vota më shumë se kandidati i Aleancës Polpullore për Punë dhe Dinjitet, Kodhel Çala. Dollani mori  8 746 vota, ndërsa  Kodhel Çela arriti të merte 5 982 vota nga 6 858 vota në total. 



Ora 13:14 Përfundon procesi në Vorë, fiton APPD
Kandidati i koalicionit “Aleanca Popullore për Punë dhe Dinjitet”, Fiqiri Ismaili ka fituar me 239 vota diferencë përballë kandidati të koalicionit “Aleanca për Shqipërinë Evropiane”, Luan Sallaku. Në përfundim të procesit të numërimit të votave, Fiqiri Ismaili duke folur për gazetarët deklaroi se falënderon kandidatin kundërshtar për garën, ndërsa i cilësoi farsë akuzat për votues fiktivë. “Do të përmirësojë ndjeshëm jetën e qytetarëve. E falënderoj kandidatin për garën dhe i uroj gjithë të mirat. Padia për listë fiktive është farsë për të diskretituar figurën time. Vora nuk ka pasur listë fiktive. 6 muaj e fundit janë shpërngulur vetëm 60 familje”, deklaroi Ismaili. 


Ora 13:10 Përfundon procesi në Mat, fiton APPD
Nezir Rizvani, kandidati i djathtë për Bashkinë e Matit shpallet fitues me 170 vota më shumë se Adelina Farici, kandidate e Aleancës për Shqipërinë Europiane. 



Ora 12:58 Përfundon procesi në Selenicë, fiton APPD