Ja 73-vjeçarja që gatoi byrek me
gjizë për World Food Programe

“Byrek me gjizë” ishte receta e ofruar për të gjitha amvisat këtë të enjte nga “World Food Programe”, një nga organizatat më të mëdha humanitare në botë, kundër urisë.

Kjo organizatë, ndonëse që prej vitit 2006 nuk ka më zyrë në Shqipëri, ndihmon çdo ditë familjet shqiptare në nevojë, nëpërmjet platformës së saj online SCOPE, ku njerëzit dhurojnë para në ndihmë të të varfërve.
 
Amvisa e sotme ishte Salta, një 73-vjeçare, nëna e 9 fëmijëve nga fshati Darëzezë i qytetit të Fierit, një nga zonat më të prekura nga përmbytjet e janarit, të cilat ishin më të rëndat në Shqipëri gjatë dekadave të fundit.


 
“Familja e saj humbi 7 pula dhe një dhi e cila po lindte gjatë përmbytjeve. Të gjitha këto u përmbytën, duke marrë me vete edhe mundësinë për të siguruar ushqimin për fëmijët,” thuhet në faqen e World Food Programe.

Receta e saj, ishte “ Byrek me gjizë”, një nga gatimet tradicionale shqiptare. Salta ashtu si të gjitha amvisat e tjera, pasi bleu të gjithë përbërësit e nevojshëm, përgatiti byrekun.







WFP, sjell fotot që tregojnë teksa e moshuara gatuan byrekun me peta, në shtëpinë e saj të varfër. Por siç shkruhet në faqen e WFP, “Salta nuk arriti që ta piqte byrekun në tavë nuk kishte energji elektrike.



Dhe falë programit të WFP, e moshuara nga Fieri, e cila është një nga 9500 amvisat shqiptare që ka përfituar nga ndihma e kësaj organizate, arriti të mblidhte nga receta e saj rreth 13.020 mijë lekë.



Redaksia Online
(u.s/shqiptarja.com)