Gratë shtatzëna, sidomos ato që kanë fëmijën e parë shpeshherë bëjnë gabime gjatë 9 muajve të periudhës së shtatzanisë. Për nutricionisten Albana Daka kequshqyerja dhe konsumimi i pijeve të gazuatra janë dy prej gabimeve kryesore që gratë bëjnë gjatë kohës që janë në pritje të një fëmije.
Gabimi i parë është shtimi i sasisë së ekzagjëruar të ushqyerjes së vetë nënës, që të hanë sa më shumë. Gabim kryesisht tek nënat e reja është edhe kequshqyerja. Të gjithë nënat fokusohen shumë në ëmbëlsira . Ka nëna që fokusohen shumë tek pijet e gazuara, apo lëngjet e frutave të gatshme që duhen evituar totalisht, pasi merren sasi të konsiderueshme sheqeri dhe konservantësh që ndikojnë automatikisht në uljen e imunitetit edhe tek bebi.
Albana Daka, nutricioniste
![](https://shqiptarja.com/template/img/NO_ALFA_Kuadrate shqiptarja.png)
E ftuar në emisionin reze Dielli në Report Tv ishte edhe mjekja gjinekologe Elvana Toska. Sipas saj gratë shtatzëna duhet të bëjnë shumë kujdes me marrjen e multivitaminave. Konsumi i tyre duhet të shoqërohet me nje dietë të ushqyeshme dhe të kontrolluar.
Një nga gabimet kryesore që bëjnë gratë shqiptare është marrja pa kriter e multivitaminave prenatale. Ekziston ajo teoria tek gratë që të marrësh multivitamina ke marrë çdo gjë . disa mbajnë edhe dietë dhe marrin multivitamina vetëm për të mos marrë peshë. Kjo është e gabuar. Multivitaminat janë suplemente që i bashkangjiten një jete të shëndetshme. Është dieta e para dhe pastaj ato që mungojnë në dietë , për arsye të ndryshme të cilat nëna nuk i merr dot, duhen plotësuar me multivitamina. Nuk është justifikim multivitamina dhe pastaj një jetë çfarëdo. Së dyti mosheqja dorë e disa zakoneve të jetës para shtatzënisë, siç është pirja e duhanit, alkooli apo kafeja që mundohen ti evitojnë, por jo gjithmonë ia arrijnë.
Elvana Toska, mjeke gjinekologe
Ushqimet që nëna konsumon gjatë periudhës së shtatzanisë, ndikojnë shumë në zhvillimin dhe rritjen e fëmijës edhe pas lindjes. Periudha që duhet bërë kujdes në ushqyerje, nuk është vetëm ajo e 9 muajve të shtatzanisë, por edhe gjatë kohës që nënat janë duke ushqyer fëmijën me gji.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)